MIKAH 7:9 - Lai (Hakha) Common Language Bible 2006

⁹ Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

MIKAH 7:9 ပူးပေါင်းရင်းမြစ်များ

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

JOB 23:10

Sihmanhsehlaw ka ṭuan ah siseh, kaa dinh ah siseh, a ka hngalh ko, A ka hneksak dih tikah, sui ka si kha a lang.

JOB 35:14

‘A ka hmu lo,’ tiah na ti tikah hin na caah a ṭha lo chinchinmi a si.

SALM 119:154

Ka bia ka chimpiak law ka luatter tuah, bia na ka kamh bang khan ka khamh tuah.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

SALM 94:15

Biaceihnak hmun ah dinnak kha a um ṭhan lai i miding paohpaoh nih an zulh lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 42:7

Mitcaw cu an mit na auter hna lai i a muimi thonginn chungah a ṭhumi cu na luatter hna lai.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

ISAIAH 56:1

Bawipa nih a mi cu a thawh hna i, “Nannih cu tuan ah kan khamh hna lai. Cucaah cun a dingmi thil le a hmaanmi thil kha tuah hna u.

JEREMIAH 10:19

A, ka hma cu an va fak hringhran dah, Ka inmi tuknak cu an zualhma ko. Sihmanhsehlaw hihi cu ka sining pei a si cu, ka in awk pei a herh cu, ka ti.

JEREMIAH 14:7

Kan ṭhat lonak nih sual kan phaw hmanh seh law, Maw Bawipa, na min ruangah kan bawm ko; Zumhtlak kan si lonak cu a tam ko, nangmah cungah kan sual ko.

JEREMIAH 51:10

Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

LEVITIKAS 26:41

cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem i an ṭhat lonak kha an i remh ahcun;

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.