MIKAH 7:8 - Lai (Hakha) Common Language Bible 2006

⁸ Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai.

MIKAH 7:8 ပူးပေါင်းရင်းမြစ်များ

JOB 31:29

Ka ral nih fahnak an in tikah kaa lawm bal lo, rawhralnak an ton tikah, diriam in ka um bal lo;

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.

SALM 143:3

Ka ral nih a ka hrem i a ka tei cikcek. A muimi thonginn chungah a ka khumh i hlanpi ah a thi cangmi hna bantuk kha ka si.

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

SALM 27:1

Bawipa cu ka ceunak le ka khamhnak a si; ahohmanh ka ṭih hna lai lo. Bawipa cu a ka hupphengtu ralhruang a si, ka thin a phang lai lo.

SALM 35:19

Khi milihchim hna, ka ral hna khi, ka sungh ruangah an di riamhter hna hlah; sullam um loin a ka huami hna khi ka ngaihchiatnak an hmuh ruangah mit diriam in umter hna hlah.

SALM 37:21

Miṭhalo nih cun thil a cawi hna tikah a cham ṭhan ti hna lo, sihmanhsehlaw miṭha cu vel a ngei i nun a siang.

SALM 37:24

A tluk sual zongah a ril lan lo, zeicahtiah Bawipa nih a kut in a thawh ṭhan.

SALM 38:16

Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 97:11

Ceunak cu miding mi hna cungah khan a tlang i lunglawmhnak cu miṭha mi hna cungah khan a tlang.

ISAIAH 2:5

Atu cu, Jakob tefa hna, Bawipa nih a kan pekmi ceunak chungah cun i chawk cang u sih!

ISAIAH 49:9

Thongtlami cu, ‘Chuak u,’ ka ti hna lai i muihnak chung i a ummi cu, ‘Ceunak ah hung chuak u,’ ka ti hna lai. Annih cu tlang cung i a tlongmi tuu bantuk an si lai;

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 8:4

Annih cu, Bawipa nih hi bangin a ti, tiah na chimh hna lai: Mi nih an tluk tikah an tho ṭhan kho ti lo maw? Pakhat khat cu lam an tlau tikah, an kir ṭhan kho ti lo maw?

EZEKIEL 25:6

Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah,

EZEKIEL 35:15

Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na ṭiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai,” a ti.

EZEKIEL 36:5

Hihi Bawipa Pathian bia cu an si: Ka nahchuahnak mei lin chungin miphun dang hna sinah khan fiang tein ka chim cang i fiang khun in Edom kong ah khan ka chim. Zeicahtiah Edom nih khan porhlawt ruamkai ngaingai in le zeirello ngaiin ka ram kha a lak i a rok a ramh dih.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

OBADIAH 1:12

Na unau hna cu an van a chiat caah khan diriam in na um awk a si lo, Judah mi kha an rawk ni ah naa lawmh awk zong a si lo; Harnak an ton ni ah na nihsawh awk hna zong a si fawn lo.

MIKAH 4:10

Nau nganfah a ing liomi nu bantukin vawlei ah i ngerh len tuah, Maw Zion fanu; Zeicahtiah atu cu hi khuapi hi na kaltak lai i ramlak ah na riak lai; Cuticun Babilon ah na ra lai. Khika ah khin khamh na si lai i khika ah khin Bawipa nih na ral hna kut chungin an luatter lai.

MIKAH 7:10

Khi tikah, “Bawipa na Pathian cu khuazei ah dah a um?” tiin nehsawh zawmhtaih in a ka timi ka ral hna nih khan an vun hmuh lai i an ning a zak lai. Annih cu an sungh i lam i nawncek lakah lamhchih an si kha ka hmuh hna lai.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 4:9

ral tampi kan ngei, sihmanhsehlaw hawi pakhat loin kan um bal lo; cei tein an kan ṭhuat tawn, sihmanhsehlaw kan thi taktak bal lo.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIAPHUAN 22:5

Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.