MIKAH 7:7 - Lai (Hakha) Common Language Bible 2006

⁷ Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.

MIKAH 7:7 ပူးပေါင်းရင်းမြစ်များ

GENESIS 49:18

“Maw Bawipa na khamhnak cu ka hngak ko.

SALM 109:4

Ka daw ko hna na le an caah thla ka cam ko nain an ka doh.

SALM 130:5

Bawipa bawmhnak cu i hngahhlang ngaiin ka hngak ko, a bia cu kaa bochan.

SALM 25:5

Nangmah cu ka khamhtu na si caah na biatak ningin nun cu ka cawnpiak tuah. Chun nitlak in nangmah kha kan bochan.

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

SALM 38:15

Bawipa, nangmah kha kan bochan; Bawipa ka Pathian, nangmah nih na ka leh lai.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 85:5

Kan cungah zungzal in maw na thin a hun ko lai? Na thin cu a dam bal lai lo maw?

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

ṬAHNAK HLA 3:24

Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;

DANIEL 3:17

“Maw siangpahrang, hi kong ah hin kan in leh awk a herhmi a um ti awk zeihmanh kan hngal lo; a alh hluahmahmi meiphu chungin le na kut chungin kan biakmi Pathian nih a kan khamh khawh ahcun, kan khamh ko seh;

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

JOEL 1:19

Maw Bawipa, ka auhmi cu nangmah na si; Zeicahtiah mei nih phong cu a kangh dih i Ramlak thingkung vialte cu meizik nih a hrem dih hna.

HABAKKUK 2:1

Ralvennak innsang ah khan ka va dir lai i kulhnak vampang ah khan ka va um lai; Ka sinah zeidah a chim lai ti kha ka va hngak lai i, Ka phunzainak kongah khan ka sinah zeidah a chim lai i, Kei nih zeitindah ka leh lai ti kha hmuh awkah ka va cuan lai.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

NAMBAR 5:28

Sihmanhsehlaw minu cu a rak i thurhhnawmh lo i a thian ko ahcun, cu ti a si ahcun amah cu a luat lai i fa a hrin hna lai.