MIKAH 7:3 - Lai (Hakha) Common Language Bible 2006

³ Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

MIKAH 7:3 ပူးပေါင်းရင်းမြစ်များ

PHUNGTHLÛKBIA 16:30

A mit curcudup in aa aumi cu a lungthin chung i dawtnak a ngei lomi a si, a hmur aa iapmi nih cun thil ṭhalo kha a tlunter tawn.

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

JEREMIAH 3:5

“Zungzal in a thin a hung lem hnga maw? A dongh tiangin a thin a lin lem hnga maw?” tiah na ruah. Na chimning cu hitihin a si ko, Sihmanhsehlaw ṭhat lonak na tuah khawhmi paoh cu na tuah ṭhiamṭhiam,” tiah a ti.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 22:6

Nangmah chungah hin Israel mi bawi vialte hna nih an thil ti khawhnak cu thisen chuahnak caah an hman;

EZEKIEL 34:21

A bami kha nan sir le nan liang in nan en hna, nan ki in nan suk hna i nan dawi dih hna i nan ṭhio dih hna.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

HOSEA 4:18

An zudin kha a dih in nu le pa sualnak kha heh tiah an tuah; upatnak nakkhan duh paoh tlon kha an duh deuh.

HOSEA 7:3

Siangpahrang cu an ṭhat lonak khan a lung an awih i bawi hna cu an mi hlenthiamnak khan an lung an lawmhter hna,

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

MIKAH 2:8

Bawipa nih a leh hna i, “Sihmanhsehlaw nannih cu ka mi hna ral nan si. Dai tein a ummi hna cu an angki leng kha an keng cungin nan firpiak hna i, Raltuknak in a ra kirmi ralkap hna kha an lung nan donghter hna.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 3:2

Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

MATTHAI 26:15

“Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawm thum kha an rel i an pek.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.