MIKAH 7:2 - Lai (Hakha) Common Language Bible 2006

² Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MIKAH 7:2 ပူးပေါင်းရင်းမြစ်များ

SALM 10:9

chiandeih bantukin a bawh hna, a rap in a foih hna i a kalpi hna.

SALM 12:1

Ka khamh tuah, maw Bawipa! Miṭha an um ti lo i lihchim lomi an um ti lo.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 57:6

Ka ral nih keimah foihnak ah sur rap an chiah, lungretheihnak nih a ka tei; ka kalnak lam ah khor an cawh, sihmanhsehlaw anmah tu an tla.

PHUNGTHLÛKBIA 1:11

Annih nih an in thawh i, “Kan sinah ra ve, thisen chuah awkah bawh hna u sih, A sual lomi cu thlachiat ruat loin lamhruang ah hna u sih;

PHUNGTHLÛKBIA 12:6

Miṭhalo hna bia nih cun thisen chuah ding kha a bawh, sihmanhsehlaw miṭha hna bia nih cun khamhnak kha a umter.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

ISAIAH 57:1

Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

JEREMIAH 16:16

“Cun ngatlaitu tampi kha ka cah hna lai i hi mi hna hi an tlaih hna lai, tiah Bawipa nih a ti. Cun cu hnuah cun ramvaimi tampi kha ka cah hna lai i tlang kip le fing kip le lungpang kua kip ah khan an kawl hna lai.

JEREMIAH 5:16

An thalbawm cu a chin chinh lomi thlan bantuk a si, An dihlak in miṭhawng an si.

JEREMIAH 5:26

Zeicahtiah ka mi hna lakah miṭhalo kha an um i Va rap chiahtu nih rap a chiah bantukin rap kha an chiah, Sihmanhsehlaw an rap cu minung foihnak caah a si.

JEREMIAH 8:6

An bia kha ka ngaih hna i biatak ka theihmi pakhat hmanh a um lo, ‘Aa, zei hen ka tuah,’ tiah ngaihchia in a ṭapmi misual pakhat hmanh ka hmu hna lo. Raltuknak hmun chungah rangtum a lut cutmatmi bantukin Anmahle an kalnak lam cio ah khan lu hlinh in an lut cio ko.

ṬAHNAK HLA 4:18

Kannih nih kan chuah tikah zapi lam kha hrial in lamte kha kan zul; Kan ni cu a dong ko cang, Kan donghnak cu a phan cang.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 24:6

Maw thisen in a luangmi khuapi, A thian in a thiang kho lomi cirik nih a eimi um! Cucaah Bawipa Pathian bia cu hihi a si: A chung i sazam kha, An caah camcawh fung zuh si hna hlah hmanh seh law zam khat hnu zam khat in thur hna.

HOSEA 5:1

Nannih tlangbawi hna, hihi thei tuah u; Nannih Israel mi hna, hihi ngai tuah u. Nannih siangpahrang innchungkhar mi hna, ka bia hi i chingchiah tuah u. Nannih cu midang kha bia a ceihtu ding nan si, Sihmanhsehlaw biaceihnak kha nanmah cungah a tlung lai. Nannih cu Mizpah i chiahmi rap le Tabor tlang i chiahmi sur rap le

HOSEA 6:9

Damiah nih mi an bawh hna bantukin, Shekhem khua lei i a kalmi hna kha thah awkah tlangbawi hna cu an i pum. An tuahmi cu a ṭhalo tuk hringhran.

MIKAH 2:8

Bawipa nih a leh hna i, “Sihmanhsehlaw nannih cu ka mi hna ral nan si. Dai tein a ummi hna cu an angki leng kha an keng cungin nan firpiak hna i, Raltuknak in a ra kirmi ralkap hna kha an lung nan donghter hna.

MIKAH 3:10

Pathian khualipi Jerusalem cu lainawnnak le dinlonak in nan sak.

MIKAH 3:2

Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

ZEKHARIAH 11:6

Zeicahtiah vawlei cung i khua a sami hna cungah hin zaangfahnak zeitikhmanh ah ka ngei ti lai lo, tiah Bawipa nih a ti. Mi kip kha an innpa le an siangpahrang hna kut tangah ka chiah hna lai i ram cu pakhat hnu pakhat in a rawk lengmang tikah annih cu an kut chung khan ka chanh hna lai lo.

LAMKALTU 24:9

Judah mi hna cu, cu bantukin sual a phawtnak ah cun an hun i ṭom ve i a chimmi cu ahmaan dih tiah an hun ti.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 26:20

Cucaah cun ka thisen hi Bawipa hmuhphak lonak vawlei ah luang hlah seh; zeitintiah vaking kah awkah tlang cungah ram a vaimi bantukin Israel siangpahrang nih ka nunnak kha hloh awkah a ra chuak cang,” tiah a ti.