MIKAH 7:18 - Lai (Hakha) Common Language Bible 2006

¹⁸ Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

MIKAH 7:18 ပူးပေါင်းရင်းမြစ်များ

GENESIS 4:7

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.

1 SIANGPAHRANG 8:23

“Maw Bawipa Israel Pathian, cunglei van ah siseh, tanglei vawlei ah siseh, nangmah bantuk Pathian zeihmanh an um lo, nang nih cun na hmai i an lungthin dihlak in a kalmi na salle hna cungah cun na biakamnak kha na zulh i a fekmi na dawtnak kha na langhter;

2 CHANRELNAK 30:9

Zeitintiah nannih nih Bawipa sinah khan nan kir ṭhan ahcun nan unau hna le nan fale hna nih khan annih a tlaitu hna sin khan zaangfahnak an hmuh lai i hi ram ah hin an kir ṭhan lai. Zeicahtiah Bawipa nan Pathian cu velngeih thiam le zaangfah thiam a si i amah sinah nan kir ṭhan ahcun nannih kha khuadang an hoitak hna lai lo,” tiah a ti.

2 CHANRELNAK 6:21

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 35:10

Ka lungthin dihlak in Bawipa cu ka thawh lai i, “Nangmah bantuk ahohmanh an um lo! A dermi kha a ṭhawngmi hna kut chungin na huhphenh hna i sifakmi le retheimi kha mi hrem mi hrem hmangmi hna kut chungin na khamh hna,” ka ti lai.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

SALM 71:19

Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

SALM 89:6

Bawipa, vancung i a ummi khi nangmah bantuk ahohmanh an um lo, pathian hna lakah hin ahohmanh nangmah tluk an um lo.

SALM 89:8

Lianngan Bik Bawipa Pathian, ahohmanh nangmah tluk i a ṭhawngmi an um lo; zeizong vialte ah nang cu zumhawktlak na si, Bawipa;

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 33:24

Kan ram i a ummi cu ka zaw tiah an zai ti lai lo i an sualnak vialte cu ngaihthiam an si lai.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

ISAIAH 40:25

Pathian thiang cu aho he dah tahchunh khawh a si lai? Amah bantuk aho tal an um maw?

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 57:10

Pathian dang kawl ah nan re nan i theih ko, sihmanhsehlaw ngol cu nan duh hlei lo. Fih a nungmi nan siasal nih khan ṭhawnnak a kan pek tiah nan ruah caah a bat in nan ba kho lo.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

ISAIAH 64:9

cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

ISAIAH 65:19

Jerusalem le a mi hna ruangah keimah zong lawmhnak in ka khat lai. Ṭahnak a um ti lai lo i bawmhnak hal zong a herh ti lai lo.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 3:5

“Zungzal in a thin a hung lem hnga maw? A dongh tiangin a thin a lin lem hnga maw?” tiah na ruah. Na chimning cu hitihin a si ko, Sihmanhsehlaw ṭhat lonak na tuah khawhmi paoh cu na tuah ṭhiamṭhiam,” tiah a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 32:41

An cungah kaa lawm lai i an ca i ṭhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.

JEREMIAH 33:8

Ka cungah sualnak an tuahmi vialte khan ka thianh hna lai; an sualnak cu ka ngaihthiam hna lai i keimah an ka dohnak kha ka ngaihthiam hna lai.

JEREMIAH 38:8

a va fuh i siangpahrang cu a thawh i,

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

EZEKIEL 18:23

Miṭhalo mi thih cu maw ka duh? A ziaza kha aa remh i a nun kha ka duhmi a si deuh lo maw? tiah Bawipa Pathian nih a ti.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 33:16

Sualnak a tuahmi kha pakhat hmanh amah dawnkhantu ah hngalhpiak a si lai lo i dinnak le ṭhatnak kha a tuah caah a nung lai.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

HOSEA 14:5

Israel caah cun dap bantuk ka si lai i lili pangpar bantukin a par lai. Phaizawng kung bantukin hram a thla lai i

JOEL 2:32

Sihmanhsehlaw Bawipa kha bawmhnak a halmi paoh nih khamhnak an hmuh lai. Bawipa nih a chim bangin, Zion Tlang cungah le Jerusalem khuachung ka khatkhat ah, a luatmi hna cu an um lai. Bawipa nih a thimmi hna cu an nung lai.”

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

AMOS 7:8

Cun Bawipa nih a ka thawh i, “Amos, zeidah na hmuh,” a ka ti. Kei nih, “Tahnak hri,” tiah ka leh i, “Ka mi hna cu tahnak hri in ka tah hna lai i ka ngaithiam ṭhan bal ti hna lai lo.

AMOS 8:2

“Zeidah na hmuh, Amos?” tiah a ka ti. Cun kei nih ka thawh i, “Ṭhal caan thingthei a hminmi bawm pakhat,” tiah ka ti. Cun Bawipa nih cun a ka thawh i, “Ka mi Israel mi hna caah caan cu a hmin cang. Zeitikhmanh ah ka ngaithiam ṭhan ti hna lai lo.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

MIKAH 4:7

A tlaumi kha a tangmi bantukin ka kilkawi hna lai i Zohkhenh ti lomi kha a ṭhawngmi miphun ah ka ser hna lai, tiah Bawipa nih a ti. Bawipa cu Zion tlang cungah atu le zungzal in an siangpahrang a si lai.

MIKAH 5:3

Cucaah nu nih nau nganfah a in chung caan lawng kha Bawipa nih Israel cu a kaltak lai i, A miphun chungmi sal i a tangmi hna kha an unaule he cun an i fon ṭhan lai.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

ROM 11:4

Pathian nih zeitindah a leh kha? “Keimah caah mi thong sarih, Pathian deu Baal a bia lomi kaa chiah ko hna,” tiah a ti a si lo mei?

DEUTERONOMI 33:26

“Maw Jeshurun, nangmah bawmh awkah van aa cit, Lianngannak in van aa citmi Pathian bantuk ahohmanh an um lo.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.