MIKAH 7:11 - Lai (Hakha) Common Language Bible 2006

¹¹ Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.

MIKAH 7:11 ပူးပေါင်းရင်းမြစ်များ

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

NEHEMIAH 4:3

Ammon mi Tobiah kha a pawngah cun a um i, “Asi, an sakmi cu — an sakmi lung vampang cu cenghngia nih hun kainak seh law a cim ko lai hen pei!” tiah a ti.

NEHEMIAH 4:6

Cuticun vampang cu a dihlak in a sanlei a canceo tiang cu aa tlai thliahmah in kan remh hna, hihi cu zeitindah a si khawh ti ah cun mi nih khan rian ṭuan duhnak lungthin an ngeih caah a si.

ISAIAH 54:11

Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.

ISAIAH 54:2

Na umnak thlam kha ngan deuh in sa. A hri kha sauh hna law a tung kha fehter hna.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 61:4

Saupi a rawk cangmi khua kha an remh ṭhan hna lai.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.