MIKAH 7:1 - Lai (Hakha) Common Language Bible 2006

¹ Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

MIKAH 7:1 ပူးပေါင်းရင်းမြစ်များ

SALM 120:5

Nannih lak um cu Meshek khua um tluk in a har, Kedar mi hna lak um tluk a si.

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

ISAIAH 17:6

Tlawmte lawnglawng an tang lai i Israel cu a thei an lawh dih i a parpahlek ah pum hnih pum thum, a nge ah pum li pum nga lawng an nganhmi oliv kung bantuk a si lai. Bawipa Israel Pathian keimah nih hi bia cu ka chim,” a ti.

ISAIAH 24:13

Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl ṭuan a dih tik i oliv thei vialte oliv nge in an ṭhilh dih hna hnu le mitsur ruang in mitsur thei vialte an lawh dih hna caan he khin aa lo lai.

ISAIAH 24:16

Vawlei cung a hlatnak bik ram i a ummi hna sinin a dingmi miphun, Israel miphun thangṭhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang ṭhiamṭhiam ko i an mirawinak kha a chia chin lengmang a panh.

ISAIAH 28:4

Cu haotu pawl sunparnak a ziam lio lengmangmi cu, a hmin hmasa bikmi theipi, an hmin cangka in an lawh hna i an eimi hna bantuk khin, a lo lai.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

JEREMIAH 15:10

Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat.

JEREMIAH 24:2

Bawm khat chung i cu an ṭha ngaingai, a hmin hmasa bik theipi bantuk khi an si; bawm khat chung i tu cu an chia ngaingai, an chiat tuk caah ei awk a tlak lomi khi an si.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 45:3

Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

NAMBAR 18:13

An lo chung i theitlai a hmin hmasa bik, Bawipa sin i an rak putmi hna cu, na ta an si lai; na inn chung i a thiangmi paoh nih an ei khawh lai.