MIKAH 6:8 - Lai (Hakha) Common Language Bible 2006

⁸ Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

MIKAH 6:8 ပူးပေါင်းရင်းမြစ်များ

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 5:22

Cu hnuah Enok cu Pathian he i kom in kum za thum a nung i fa dang kha a hrin hna;

2 CHANRELNAK 30:11

Asher mi tlawmte, Manasseh mi tlawmte le Zebulun mi tlawmte lawng nih toidornak lungthin an ngei i Jerusalem ah cun an ra.

2 CHANRELNAK 32:26

Sihmanhsehlaw a lung porhlawtnak kha Hezekiah cu aa ṭhum ṭhan i amah he Jerusalem mi hna he an i ṭhumh caah Bawipa thinhunnak cu an cungah Hezekiah chan ah khan cun a tlung lo.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

2 CHANRELNAK 34:27

hi hmun le hi hmun i a ummi hna cung i a bia cu na theih tikah na lung in naa ngaihchih i Bawipa hmaiah na lung na ṭhumh i ka hmaiah na puan na thleh i na ṭah caah, kei zong nih na bia kan theihpiak, tiah Bawipa nih a ti.

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

SALM 101:1

Ka hla cu dinnak le zumhawktlak sinak kong a si, cu hla cu kan sakpiak lai, Maw Bawipa.

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

SALM 37:26

Siang tein mi kha a pek zungzal hna i a coih zungzal hna, cun a fale kha thluachuahnak an si.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

ISAIAH 56:1

Bawipa nih a mi cu a thawh hna i, “Nannih cu tuan ah kan khamh hna lai. Cucaah cun a dingmi thil le a hmaanmi thil kha tuah hna u.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

JEREMIAH 22:16

Mirethei le misifak cungah khan bia ding tein a ceih, Cu nih cun keimah a ka hngalh kha a langhter a si lo maw, tiah Bawipa nih a ti.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

ṬAHNAK HLA 3:26

Cucaah a kan khamhnak ding cu lungsau in kan hngah awk a si.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

EZEKIEL 33:14

Cun miṭhalo mi cu a cungah thihnak bia ka hei ceih ko hnga, sihmanhsehlaw anih nih a ziaza kha aa remh hnga i a ding le a ṭha kha a tuah ko hnga:

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

HOSEA 12:6

Cucaah atu cu Jakob tefa hna, nan Pathian cu i bochan u law amah sinah khan kir tuah u. Amah sinah khan zumhawktlak in um u law ding tein um ko u, Cun nan Pathian nih rian a ṭuan lai kha thinfual in hngak ko u.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

LEVITIKAS 26:41

cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem i an ṭhat lonak kha an i remh ahcun;

AMOS 5:24

Sihmanhsehlaw biading kha ti bantukin luanter u law Dinnak kha a cat lomi tiva bantukin luanter camcin ko u.

MIKAH 6:9

Bawipa aw cu ngai hmanh u, Amah min ṭih cu hlawhtlinnak a si. Bawipa nih cun khualipi cu a thawh i,

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

MATTHAI 5:7

Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

LUKA 11:42

“Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

LUKA 12:14

Jesuh nih cun a vun leh i, “Mipa, aho nih dah nan pahnih karlak i biathlektu ding le ro ṭhentu dingah nawl a ka pek?” tiah a ti.

LUKA 6:36

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

ROM 7:16

Tuah ka duh lomi ka tuah tikah hin, cu nih cun Nawlbia cu ahmaan ko ka ti ve, ti kha ka langhter.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

1 KORIN 7:16

Khrihfa nu, ka va cu ka khamh kho hrimhrim lai lo tiah zeitindah na ti khawh lai? Khrihfa pa, ka nupi cu ka khamh kho hrimhrim lai lo, tiah zeitindah na ti khawh lai?

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

DEUTERONOMI 27:10

Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.

DEUTERONOMI 30:15

“Zohhmanh, nihin ah nannih hmaiah nunnak le ṭhatnak, thihnak le vanchiatnak kha ka chiah.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

JEIM 2:20

Maw mihrut hna, tuahnak um loin zumhnak cu san a tlai lo ti kha in hmuhsak hna ning law maw nan duh?

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.