MIKAH 6:4 - Lai (Hakha) Common Language Bible 2006

⁴ Izipt ram in kan chuahpi hna, sal cannak ram in kan tlanh hna; Nanmah hruai awkah Moses le Aaron le Miriam kha ka thlah hna.

MIKAH 6:4 ပူးပေါင်းရင်းမြစ်များ

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

SALM 77:20

Na mi cu tuukhal bangin na hruai hna, Moses le Aaron kha na cawnghter hna.

EXODUS 12:51

Cu ni hrimhrim ah cun Bawipa nih Israel mi hna cu an bu an bu cio in Izipt ram khan a chuahpi hna.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 3:10

Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai,” a ti.

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

EXODUS 4:16

Nangmah aiawh in mi zapi sinah khan Aaron nih cun bia cu a chim lai; amah cu na ka-hlang a si lai i nang cu Pathian bantukin, cucu chim, khakha chim, a titu na si lai.

EXODUS 6:27

Izipt siangpahrang Faro cu, “Israel mi kha luatter hna,” tiah a titu kha, Moses le Aaron ṭhiamṭhiam an si.

JEREMIAH 32:21

Izipt ram in na mi hna cu hmelchunhnak le khuaruahharnak he, a ṭhawngmi kut le samhmi ban le ṭih a nungmi ṭhawnnak he na chuahpi hna.

AMOS 2:10

Amor mi hna ram co awkah Izipt ram in an chuahpitu hna kha keimah ka si i Ram car chungah kum sawm li an hruaitu hna kha keimah ka si.

NAMBAR 12:1

Hezeroth i an um lioah khan, Miriam le Aaron nih Moses cu a ṭhitmi Kush minu ruangah khan an thangchiat; zeitintiah Kush minu cu a ṭhit caah.

NAMBAR 33:1

Israel mi cu Izipt ram in Moses le Aaron nih an hruai hna i an bubu in an chuah tikah, mah hihi an riahhmun lengmang cu an si.

LAMKALTU 7:36

A miphun kha Izipt ram in a chuahpi hna i Izipt ram le Rili Sen le thetse ram ah khan kum sawm li chung khuaruahhar le hmelchunhnak thil kha a tuah hna.

DEUTERONOMI 15:15

Nannih nih Izipt ram i sal nan rak si le Bawipa nan Pathian nih an tlanh hna kha nan hngalh camcin lai; cucaah cun mah nawl hi nihin ah kan pek hna.

DEUTERONOMI 24:18

sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

DEUTERONOMI 5:6

“ ‘Keimah cu Bawipa na Pathian, Izipt ram, sal sinak inn chungin an chuahpitu ka si.

DEUTERONOMI 7:8

Sihmanhsehlaw Bawipa nih an dawt hna i nan pupa hna sinah chiat a sermi biakamnak cu a tlinter caah, Bawipa nih a ṭhawngmi kut in an chuahpi hna i sal cannak inn chung khan an tlanh hna, Izipt siangpahrang Faro kut chung khan, an chuah hna.

DEUTERONOMI 9:26

Cun Bawipa sinah hi bangin thla ka cam, ‘Maw Bawipa Pathian, nangmah nih na lianhngannak thawngin na tlanh i Izipt ram in a ṭhawngmi kut he na chuahpimi na mi le na ro cu hrawk hlah,

1 SAMUEL 12:6

Cun Samuel nih mizapi sinah cun, “Moses le Aaron kha rian a pe i nan pupa hna Izipt ram in a hun chuahpitu Bawipa kha biahngaltu cu a si.