MIKAH 6:16 - Lai (Hakha) Common Language Bible 2006

¹⁶ Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

MIKAH 6:16 ပူးပေါင်းရင်းမြစ်များ

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 9:8

Cun hi inn hi a rawkmi thilpon ah a cang lai; a pawng i a kalmi paoh an khuaruah a har lai i an hnar an phit lai i annih nih cun, ‘Zeicahdah mah ti hin Bawipa nih hi ram cung le hi inn cungah hin a tuah hnga?’ tiah an ti lai.

2 SIANGPAHRANG 16:3

sihmanhsehlaw Israel siangpahrang hna lam kha a zul ve. Israel mi hna hmai in Bawipa nih a rak dawimi hna miphun nih thil fihnung an rak tuah bantuk khan, amah nih cun a fapa hmanh kha raithawi-nak caah a khangh.

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

2 CHANRELNAK 22:4

Ahab innchungkhar nih an rak tuah bang khan, amah zong nih Bawipa mithmuh i ṭhat lonak kha a tuah; a pa thih hnuah, anmah cu ṭhat lonak tuahnak leiah khan fim a chimtu an si.

2 CHANRELNAK 34:25

Annih nih an kut in an ṭuanmi rian vialte in ka thin an ka phawh i keimah kha an ka hlawt i pathian dang hna sinah zihmui an khangh caah, cucaah hi hmun cungah hin ka thinhunnak ka bungh lai i hmih khawh a si lai lo.

SALM 1:1

Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

SALM 44:13

Kan cung i na tuahmi kha kan innpa nih an hmuh i an kan nihsawh i capo ah an kan saih.

SALM 44:14

Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

ṬAHNAK HLA 5:1

Maw Bawipa, zei nih dah a kan tlakhnawh kha philh hlah; Run zoh law zeitluk in dah nihsawh kan si kha run kan hmu tuah.

EZEKIEL 39:26

Anmah an vawlei te ah ahohmanh nih hnahnawh lo le ṭihphannak pek lo tein an um tikah cun, ningzahnak an inmi kha le ka cung i zumhawktlak loin an ummi kha an philh dih lai.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

HOSEA 12:14

Israel mi nih Bawipa kha fak piin a thin an hunter; Annih cu an sualnak ruangah khan thihnak hmuh awk an tlak i Pathian nih a ngaithiam hna lai lo. Bawipa nih a cung i ningzahnak an tluntermi ruangah khan dan a tat hna lai.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.

MIKAH 6:13

Cucaah atu cu nan sualnak ruangah nan rawhnak ding kha ka thawk cang.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.