MIKAH 6:1 - Lai (Hakha) Common Language Bible 2006

¹ Atu cu Bawipa nih a chimmi bia hi thei tuah u: Tho tuah law, Bawipa, na bia cu chim tuah, tlang hna khi na tehte si hna seh, Fing hna nih khin na chimmi cu thei hna seh.

MIKAH 6:1 ပူးပေါင်းရင်းမြစ်များ

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 50:4

A mi kha bia a ceih hna i van le vawlei kha tehte ah a auh hna.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 3:13

Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.

JEREMIAH 13:15

Ngai u law nan hna chi tuah u, nan lung puam hlah u, Zeicahtiah bia a chimtu hi Bawipa a si.

JEREMIAH 22:29

Maw ram, ram, ram, Bawipa nih a chimmi cu ngai tuah.

EZEKIEL 36:1

Cun mipa, Israel tlang hna cu chawn hna law, Israel tlang hna, Bawipa bia cu thei tuah u, ti hna.

EZEKIEL 36:8

Sihmanhsehlaw nannih Israel tlang hna tu nih cun, ka mi hna kha inn i an tlun lai caan a nai cang caah nge thar nan la lai i ka mi Israel mi hna caah cun thei nan tlai lai.

EZEKIEL 37:4

Cun a ka thawh i, “Hi ruh ro hi bia chim hna law, maw ruh ro hna, Bawipa bia hi thei tuah u,” ti hna, a ka ti.

EZEKIEL 6:3

‘Israel ram tlang hna, Bawipa Pathian bia hi ngai tuah u,’ ti hna. Mah hihi tlang hna sin le fing hna sin le nelrawn hna sin le horkuang hna sin i ka chim duhmi bia cu an si; nan cungah vainam kha ka tlunter lai i nan khuahrumbo vialte kha ka hrawh dih hna lai.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

MIKAH 1:2

Mi vialte hna, nan dihlak in ngai tuah u; Maw vawlei le a chung i a ummi vialte hna nan hna chi tuah u, Zeitintiah Bawipa Pathian nih nannih cu sual phawt awkah a biakinn thiang chung khan bia a run chim.

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

MIKAH 5:15

Ka thinhun le ka thinlinh in, ka nawl a ngai lomi miphun vialte cu phu ka hlam dih hna lai.

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.

LUKA 19:40

Jesuh nih cun a leh hna i, “Hi hna hi an daih ahcun lung hrimhrim hi an au lai,” tiah a ti.

DEUTERONOMI 32:1

“Maw van hna, nan hna rak chi tuah u, ka chim lai; Ka kaa in a chuakmi bia kha vawlei nih thei seh.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

1 SAMUEL 12:7

Cucaah dir ṭhep u law, Bawipa hmaiah Bawipa nih nanmah ca le nan pupa hna ca i khamhnak rian a ṭuanmi kha kan ruah tuah hna lai.

1 SAMUEL 15:16

Khi tikah Samuel nih Saul cu, “Ngol rih hmanh! Zahan ah Bawipa nih a ka chimhmi cu kan chim hmanh lai,” tiah a ti. Cun anih nih, “Chim ko,” tiah a ti.