MIKAH 5:6 - Lai (Hakha) Common Language Bible 2006

⁶ Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

MIKAH 5:6 ပူးပေါင်းရင်းမြစ်များ

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

1 CHANRELNAK 1:10

Kush cu Nimrod pa kha a si; amah cu vawlei cungah miṭhawng si hram aa thawk.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

JOB 29:22

Ka chim hnuah ahohmanh nih an chim ṭhan ti lo, Ka bia cu an cungah nem tein a tla.

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 72:6

Siangpahrang cu lo a surhtu ruah bantuk si seh law vawlei a cawmtu ruah bantuk si seh.

ISAIAH 14:2

Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an ṭuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.

ISAIAH 14:25

Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai.

ISAIAH 33:1

Kan ral cu an lo cang! Ahohmanh nih an ramh hna lo i an rawi hna lo nain, mi kha an ramh hna i an rawi hna. Sihmanhsehlaw an miramh le an mirawi caan kha a dih lai i anmah tu kha ramhmi le rawimi an si ve cang lai.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

ISAIAH 37:37

Cu tikah Assiria siangpahrang cu aa let i Nineveh khua ah khan a kir.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

NAHUM 2:11

Khuazei ah dah atu cu chiandeih kua kha a um? Chiandeih fa an bawhnak lungkua kha khuazei ah dah a um? Chiandeih a pa le a pi le an fale rual, ṭihnak zeihmanh ngei loin an i chawh thluaimai tawnnak hmun kha khuazei ah dah a um?

ZEFANIAH 2:13

Cucaah a kut cu chaklei ah samh seh law Assiria cu hrawk seh, Nineveh cu ṭhio seh law ram car bantukin carter seh.

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

LUKA 1:71

‘Kan ral hna kut chungin le kanmah a kan huatu vialte hna sin khan, khamh awkah bia a kan kam.

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

DEUTERONOMI 32:2

Ruah bantukin keimah cawnpiaknak cu sur seh law, Ka bia cu dap bangin tla seh, Ram no cung i chum a sur siahmah bantuk le Chawl borh cung i ruahti a tlami bantuk siseh.