MIKAH 5:2 - Lai (Hakha) Common Language Bible 2006

² Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MIKAH 5:2 ပူးပေါင်းရင်းမြစ်များ

GENESIS 35:16

Bethel khua cun an i thawh i Efrath khua in hla nawn an si rih lioah khin, Rachel cu a nau ngan a fak i a zualhma ngaingai.

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

GENESIS 48:7

Zeicahdah hi bantukin ka tuah ti ahcun Mesopotamia ram in ka ra kir lioah keimah ngaihchiattertu dingah na nu Rachel nih lampi ah Kanaan ram chung Efrath khua kan hei phak deng ah khan a ka thihtak caah a si. Cun amah cu Efrath lei kalnak lam ah cun ka vui,” tiah a ti. (Efrath cu Bethlehem a si).

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

1 CHANRELNAK 2:54

Bethlehem tlatu Salma cu Netofah mi, Atroth-beth-joab le Manahath mi le Zor mi hna hringsortu a si; anmah cu Manahath i a ummi innchungkhar pahnih hna lak i pakhat kha an si.

1 CHANRELNAK 4:4

cun Penuel cu Gedor pa a si i Ezer cu Hushah pa a si. Bethlehem pa Efrathah i a fater Hur i a fapa hna cu mah hna hi an si.

1 CHANRELNAK 5:2

Judah cu a unau hna lakah a ṭhawngmi a hung si i amah chungin bawi a hung chuak nain, fater sinak tu cu Josef ta a si ko),

SALM 132:6

Bethlehem khua ah biakamnak kuang kong kha kan theih i Jaar lo lakah khan cu kuang cu kan hmuh.

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 18:25

Israel mi dihlak chung khan thil ti kho deuhdeuh pawl kha a thim hna i hruaitu ah khan a chiah hna: a thong pawl hruaitu, a za pawl hruaitu, sawm nga pawl hruaitu, pahra pawl hruaitu, tiin a chiah hna.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 53:2

Vawlei car i a keomi thingkung bantukin a sal cu a rak ṭhang, cucu Bawipa duhning a rak si. Zoh kan duh nakhnga dingah i dawhnak le rumra zeihmanh a ngei lo, iang zeihmanh a ngei lo i a pumrua zong a chuakthiammi a si lo.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

AMOS 9:11

Khi ni ah cun a tlu cangmi David thlam cu ka tun ṭhan lai; A vampang a awnnak hna cu ka phih hna lai i A rawhnak hna cu ka remh ṭhan hna lai; Hlanlio i a rak siningte ah khan ka ser ṭhan lai i

MIKAH 4:10

Nau nganfah a ing liomi nu bantukin vawlei ah i ngerh len tuah, Maw Zion fanu; Zeicahtiah atu cu hi khuapi hi na kaltak lai i ramlak ah na riak lai; Cuticun Babilon ah na ra lai. Khika ah khin khamh na si lai i khika ah khin Bawipa nih na ral hna kut chungin an luatter lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LUKA 23:38

A lucung i an ṭialmi bia cu: “Hihi Judah Siangpahrang cu a si,” ti hi a si.

JOHAN 7:42

Cathiang nih pei Messiah cu David tefa a si lai i David khua Bethlehem ah a chuak lai, a ti kha,” an ti.

DEUTERONOMI 1:15

Cucaah nan phun cio i lu hna cu, mifim le ningcang hngalmi hna cu, ka lak hna i nannih cungah lu ah ka chiah hna, a thongthong haotu hna le, a zaza haotu hna le sawm nga pawl haotu hna le pahra pawl haotu hna le nan phun hna chung i biaceihtu hna cu an si.

KOLOSE 1:17

Zeizong vialte hlanah a rak um cang i amah nih cun zeizong vialte hi i ṭhenṭhek dih loin a funtom dih hna.

HEBRU 13:8

Jesuh Khrih cu nizan le nihin le zungzal in amah ning a si ko.

HEBRU 7:14

Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.

1JOHAN 1:1

A hramthawk tein a rak um cangmi nunnak Bia kong kha ca in kan in kuat hna: cucu kan hna in kan theihmi le kan mit in kan hmuhmi kha a si; asi, kan mit in kan rak hmuh i kan kut in kan rak tawngh.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIACEIHTU 17:7

Cun Judah ram chung Bethlehem khuami a simi, Judah chung a simi tlangval pakhat, Levi mi a simi a um i, cu pa cu khika ah khan a va pem.

RUTH 1:1

Biaceihtu hna nih an rak uk lioah khan ram chungah cun mangṭam a tlung i, Judah ram chung i Bethlehem khuami pakhat cu, a nupi le a fapa pahnih hna he tiah, Moab ram i pem awkah an kal.

RUTH 4:11

Cun hauka ah a ummi vialte le upa hna nih khan, “Hngaltu kan si. Na inn chungah a ra ding minu cu, Rachel le Leah, Israel innchungkhar a dirhtu pahnih hna bantuk ah khan Bawipa nih ser ko seh. Efrathah ah hin khua awng tong law, Bethlehem ah na min thang ko seh;

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 17:12

Cun David cu Bethlehem khua i Jesse fapa a si. Jesse cu Efrath chung a si i fapa pariat a ngei. Saul chan ah khan cu pa cu a tar cang i a kum a upa cang.

1 SAMUEL 17:18

cun annih an thong khat haotu caah cawhnuk khal tlang hra hi i phorh fawn. Na ule kha zeitindah an um va zoh hna law, annih sinin hmelchunhnak pakhatkhat rak phor te,” a ti.

1 SAMUEL 23:23

Cucaah cun, aa thuhnak hmun vialte kha vaa chingchiah u law, ka sinah a dik hrimhrimmi theihnak he ra ṭhan u. Khi tikah nannih sinah ka kal lai i hi ram chungah a um paohpaoh ahcun, Judah mi a thongthong vialte hna lakah hin, amah cu ka kawl lai,” tiah a ti.

1 SAMUEL 8:12

Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai.