MIKAH 4:10 - Lai (Hakha) Common Language Bible 2006

¹⁰ Nau nganfah a ing liomi nu bantukin vawlei ah i ngerh len tuah, Maw Zion fanu; Zeicahtiah atu cu hi khuapi hi na kaltak lai i ramlak ah na riak lai; Cuticun Babilon ah na ra lai. Khika ah khin khamh na si lai i khika ah khin Bawipa nih na ral hna kut chungin an luatter lai.

MIKAH 4:10 ပူးပေါင်းရင်းမြစ်များ

2 SIANGPAHRANG 20:18

Cun nangmah nih na hrinmi na fapa hna hrimhrim lakah hin a cheu cu kalpi an si lai i Babilon siangpahrang i a siangpahrang inn ah annih cu tilditmi an si lai,” tiah a ti.

2 SIANGPAHRANG 25:4

Khi tikah khua kulhnak kha an pemh i Khaldi mi cu khua velchum ah khan an um ko nain siangpahrang le a ralkap vialte cu zan ah siangpahrang dum pawng i a ummi vampang pahnih karlak i kutka khan an zam. Cun Arabah leiah khan an kal.

2 CHANRELNAK 33:11

Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi.

2 CHANRELNAK 36:20

Cun vainam thahnak in a luatmi hna kha Babilon ah sal ah a kalpi hna i Persia pennak a feh hlantiang annih cu amah le a fapa hna sal ah an cang;

2 CHANRELNAK 36:23

“Hi bangin Persia siangpahrang Sairas nih, Bawipa, vancung Pathian nih vawleicung ram vialte cu a ka pek cang i mah caah Judah ram Jerusalem i inn pakhat sak awk kha a ka fial. Cucaah Pathian mi a simi nannih cu nan dihlak in cuka ah cun va kal u law Bawipa nan Pathian cu nan sinah um ko seh,” a ti.

SALM 106:10

A huatu hna kut chung khan a khamh hna i an ral kut chung khan a chuah hna.

ISAIAH 43:14

Nanmah an khamhtu hna Bawipa, Israel Pathian thiang nih aa thawh i, “Nanmah khamh awkah Babilon cu ralkapbu pakhat ka tukter lai; khuapi kulhnak kutka kha ka chimh hna lai i mi an au khuannak kha ṭahnak ah a cang lai.

ISAIAH 45:13

Keimah hrimhrim nih Sairas cu ka cawlcanghter i cu ka cawlcanghter cu, thil kha hmaan tein tuah si seh ti kaa tinhmi tlinter ding caah khan a si. A kalnak lam paoh kha ka fehter lai. Jerusalem ka khua kha a remh ṭhan lai i ka saltang hna kha a luatter hna lai. Ahohmanh nih Sairas cu, hihi na tuah lai tiah an fial lo i nawhthuh zong an pe lo,” a ti. Ralkapbu Bawipa nih hi bia cu ka chim.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

JEREMIAH 13:4

“Tho law Zufrates tiva ah va kal tuah. Khika ah na tai i naa kaihmi na biar kha lungkak chungah va thup tuah,” a ti.

JEREMIAH 15:21

Miṭhalo mi hna kut chung khan kan chuah lai i, Thlachiat ruat lomi hna kut chung khan kan khamh lai,” tiah Bawipa nih a ti.

JEREMIAH 29:20

Sihmanhsehlaw nannih saltangmi hna, Babilon ah Jerusalem in ka kaltermi hna, keimah Bawipa bia hi ngai tuah u:

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 48:41

Khuapi hna cu lak an si lai i ralhruang hna cu tlaih an si lai; Khi ni ah cun Moab ralkap hna lung cu Naunganfah a ing liomi nu lung bantukin a dong lai;

JEREMIAH 52:27

Babilon siangpahrang nih cun Hamath ram Riblah khua ah cun a tuk hna i a thah hna. Cuticun Judah cu a ram chungin sal ah kalpi a si.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

HOSEA 13:13

Israel nih hin nun khawh nakding caah caan ṭha a ngei ko, Sihmanhsehlaw a hrut tuk i cu caan cu aa lak lo. Amah cu a hung chuak dengmangmi naute, a nu paw chungin chuah a duh lomi bantuk khi a si.

HOSEA 2:14

Sihmanhsehlaw atu cu ngaihmanh, Ka lem ṭhan lai i ramlak ah cun ka kalpi lai i ka hnemh lai.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MIKAH 5:3

Cucaah nu nih nau nganfah a in chung caan lawng kha Bawipa nih Israel cu a kaltak lai i, A miphun chungmi sal i a tangmi hna kha an unaule he cun an i fon ṭhan lai.

BIAPHUAN 12:14

Thetse ram chung i aa thuhnak ding hmun i va zuannak ding caah khan minu cu mupi nganpi thla pahnih an pek i cuka hmun ah cun kum thum le a cheu an rak zohkhenh lai caah rulpi nih khan zeihmanh a ti kho lai lo.