MIKAH 3:6 - Lai (Hakha) Common Language Bible 2006

⁶ Ka mi hna cu a pingah nan hruai hna caah langhnak zeihmanh nan hmu ti lai lo i zeihmanh nan rak chimchung kho ti fawn lai lo. Profet hna, nan ni cu a dong dengmang cang; ni nih an liamtak dengmang cang hna.

MIKAH 3:6 ပူးပေါင်းရင်းမြစ်များ

SALM 74:9

Kan thil thiang kha an lo dih, profet an um ti lo, hi bantukin thil kha zei can dah a um ti kha ahohmanh nih an hngal lo.

ISAIAH 29:10

Bawipa nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

ISAIAH 59:10

mitcaw bantukin a dah in kan i dap. Chun ah zan bantukin kan i chuih i kan ril, mithi khua a muimi i a ummi bantuk khi kan lo hna.

JEREMIAH 13:16

Bawipa nan Pathian cu sunparnak pe tuah u, Khua a muih hlan le huaphap lawngin a ceumi tlang pang i nan ke a nal hlan le Nannih nih nan kawlmi ceunak cu mui padap i a ser hlanah hin.

JEREMIAH 15:9

Fapa pasarih a ngeimi nu kha thlalau in mah hngal loin a ril ko, Chun a si ko rih lioah a ceunak cu a mit cang; Ningzak le hmaichia in a ril ko. Cun annih lak i a tang rihmi vialte hna cu vainam in thih awkah an ral hna kut chungah ka pek cang hna,” tiah Bawipa nih a ti.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

EZEKIEL 13:9

Langhnak an hmuhmi ahmaan lomi a simi hna le an mangihnak lih a simi profet hna kha ka kut ka hlerhnawh hna lai. Ka mi hna nih khua an khannak hmun ah khan hmun an ngei lai lo i Israel mi hna min relnak cazin chungah khan khumh an si lai lo i Israel ram zong an ke nih a lam lai lo.

EZEKIEL 7:26

Thlichia kha pakhat hnu pakhat an i zul lai i thawngchia kha pakhat hnu pakhat an i zul ve lai. Langhnak kawl ah mi nih profet cu an fuh hna lai, sihmanhsehlaw tlangbawi nih lam ṭhit an thiam ti lai lo i upa nih fimchimh an thiam ti lai lo.

AMOS 8:11

Cun Bawipa nih hi bangin a ti: Ram chungah mangṭam, Rawl ca i mangṭam si loin le ti ca i tihal si loin, Bawipa bia theih duh ca i mangṭam cu ka tlunter lai ni a ra lio.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.