MIKAH 3:4 - Lai (Hakha) Common Language Bible 2006

⁴ Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.

MIKAH 3:4 ပူးပေါင်းရင်းမြစ်များ

JOB 27:9

Harnak nih a tlunhnawh tikah Pathian nih a thlacamnak cu a ngaihpiak lai maw?

JOB 35:13

Pathian nih au sawhsawhnak cu a thei lo i Lianngan Bik nih mah cucu zeihmanh ah a rel lo.

SALM 18:41

Bawmhnak hal in an ai, sihmanhsehlaw ahohmanh nih an khamh kho hna lo; Bawipa kha an auh, sihmanhsehlaw a let hna lo.

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 33:5

“Cun nan va chuah; nan va tukmi hna nih cun ka thin hun le ka thin linh in ka tuk laimi hna ruak khan hi khua hi an khahter lai i cu vial ceo cu a si ko lai. A chung i a ummi minung hna nih ṭhat lonak an tuahmi ruangah hi khua cu ka mertak cang.

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

MIKAH 3:7

Hmutu pawl si hna seh, mang ih thiam si hna seh an dihlak in an ning a zak lai; Pathian sinin lehnak zeihmanh a um lo caah an dihlak in an kaa an i hup lai.

MIKAH 7:13

Sihmanhsehlaw vawlei cu a cung i a ummi minung hna ṭhat lonak ruangah khan thetse ram ah a cang lai.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

MATTHAI 7:22

Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai.

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

1 SAMUEL 8:18

Cun khi ni ah nanmahte nih nan i thimmi nan siangpahrang ruangah nannih cu nan ai len te lai; sihmanhsehlaw Bawipa nih khi ni ah cun an let hna lai lo,” tiah a ti.