MIKAH 3:2 - Lai (Hakha) Common Language Bible 2006

² Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

MIKAH 3:2 ပူးပေါင်းရင်းမြစ်များ

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

SALM 15:4

Pathian nih a hlawtmi kha zeirello in a um i Bawipa nawl a zulmi cu a upat i Zeitluk in a har hmanh ah a biakam ningin a tuah zungzal i

SALM 53:4

Pathian nih, “An hngal hnga lo maw? Ṭhat lonak a tuahmi hi mihrut maw an si dih ko hnga? Ka mi kha an ramh hna i cucu an i cawmnak ah an hman, ka sinah thla an cam lo,” a ti.

PHUNGTHLÛKBIA 28:4

Phung a zul lomi nih cun miṭhalo kha an thangṭhat hna, sihmanhsehlaw phung kha a zulmi nih cun an doh hna.

ISAIAH 3:15

Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ISAIAH 57:12

Nan tuahmi cu ahmaan tiah nan ruah, sihmanhsehlaw nan ziaza kha kan hlih hna lai i nan siasal nih khan an in khamh kho hna lai lo.

EZEKIEL 11:7

Cucaah hihi Bawipa chimmi bia cu an si: Khika i nan chiahmi ruak hna khi pei sa cu an si cu. Khuapi hi sa chuannak um cu a si taktak, sihmanhsehlaw hi khua chung hin kan chuah hna lai.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 24:4

A chungah sazam kha sanh hna, sazam a ṭha bikbik hna kha sanh hna. A ke le a liang le a ruh a ṭha bikbik kha a benh in benh hna;

EZEKIEL 34:3

A hnuk kha nan din, a hmul kha nan i aih i a thaumi kha nan thah hna, sihmanhsehlaw tuu kha nan cawm hna lo.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 5:15

Ṭhat lonak kha hua u law ṭhatnak kha duh u; Biading kha biaceihnak zung ah bawiṭhutdan cungah ṭhutter u; Cuticun Bawipa, Ralkapbu Pathian cu Josef tefa a tangmi hna cungah khan zaangfahnak a hei ngei phum ko hnga.

MIKAH 2:8

Bawipa nih a leh hna i, “Sihmanhsehlaw nannih cu ka mi hna ral nan si. Dai tein a ummi hna cu an angki leng kha an keng cungin nan firpiak hna i, Raltuknak in a ra kirmi ralkap hna kha an lung nan donghter hna.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

JOHAN 18:40

An au i, “Amah cu kan duh lo. Bar-abbas kan duh,” an ti. (Bar-abbas cu damiah a si).

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

2TIMOTE 3:3

zaangfahnak an ngei lai lo, mi zawnruahnak an ngei lai lo, mi thangchiat duhmi an si lai, ruru-hranghrang in khua a sami an si lai i ṭih a nungmi an si lai; ṭhatnak kha an huat lai;