MIKAH 3:11 - Lai (Hakha) Common Language Bible 2006

¹¹ Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 3:11 ပူးပေါင်းရင်းမြစ်များ

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 48:2

Asinain, kannih cu khua thiangmi kan si, Israel Pathian aa bochanmi kan si, cu Pathian cu a min ah Ralkapbu Bawipa a si, tiin nan i porhlaw.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

JEREMIAH 23:17

Bawipa bia zei ah a rel lomi kha an thawh hna i, ‘Khuaawng na tong lai,’ an ti hna; An lung a khonning cio in a kalmi hna kha an thawh hna i ‘Na cungah vanchiatnak a tlung lai lo,’ an ti hna.

JEREMIAH 26:7

Tlangbawi hna le profet hna le mi vialte nih hi bia cu Jeremiah nih Bawipa inn chungah a chim kha an theih.

JEREMIAH 5:12

Bawipa a um kha an zum lo i, ‘Amah cu a um lo, Kan cungah ṭhat lonak zeihmanh a tlung lai lo; Vainam siseh, mangṭam siseh, kan tong lai lo.

JEREMIAH 6:13

Annih cu a hme bik in a ngan bik tiang, hrokhrawl in hmuhmi miaknak kha a duhmi an si; Profet le tlangbawi hna hmanh kha lih in rian a ṭuanmi an si.

JEREMIAH 7:4

Nannih nih nan i thawh i, ‘Hi hmun hi Bawipa biakinn a si,’ Bawipa biakinn a si, Bawipa biakinn a si,’ tiah nan ti lengmang,’ hi bia lih a simi hi i bochan hlah u.

JEREMIAH 8:10

Cucaah an nupile cu midang sinah ka pek hna lai i An lo cu mi thar kha ka pek hna lai, Zeicahtiah a hme bik in a ngan bik tiang, a dinglo miaknak ah khan an hak a kau cio; Tlangbawi in profet tiang, an dihlak in hlennak lawngte an tuah.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

EZEKIEL 34:2

A ka thawh i, “Mipa, Israel mi tuukhal hna cu chim hna. Thawh hna law, Nannih tuukhal hna, hihi Bawipa bia an si, ti hna: Anmah zawn lawng aa ruatmi Israel mi tuukhal hna hi ka hei hua hna dah! Tuukhal nih hin tuu kha an zawn ruah awk a si hnga lo maw?

HOSEA 4:18

An zudin kha a dih in nu le pa sualnak kha heh tiah an tuah; upatnak nakkhan duh paoh tlon kha an duh deuh.

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

AMOS 5:14

Nan nun nakhnga, chiatnak si loin ṭhatnak tu kha kawl u, Cu ti a si ahcun, kanmah leiah a um nan ti bangin Bawipa, Ralkapbu Pathian cu nan sinah fek tein a um lai.

AMOS 9:10

Ka mi hna lak i misual, ‘Vanchiatnak cu kan pawng na phakter lai lo i a ton zong na kan tonter lai lo,’ a timi hna cu vainam in an thi lai.

MIKAH 3:5

Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

ZEFANIAH 3:3

A chung i bawi hna cu chiandeih a huk lengmangmi an si, A biaceihtu bawi hna cu zinglei tiang a ngang kho lomi cenghngia an si,

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

MALAKHI 2:9

Cuticun nannih nih ka lam cu zeihmanh ah nan rel lo i cawnpiaknak nan tuahmi ah khan duhdanhnak nan ngeih caah kei zong nih midang mithmuh ah serhsat awk le santlailo ah kan ser ve hna.

NAMBAR 16:15

Cun Moses cu a thin a hung ngai-ngai i Bawipa sinah, “An pekchanhnak cu hmaizah hlah. Annih sinin laa pakhat hmanh ka la lo i annih kha pakhat hmanh ka fahter hna lo,” tiah a ti.

NAMBAR 22:7

Cucaah Moab upa hna le Midian upa hna cu an kut ah litin man i put in an kal i Balaam sinah an phan i Balak biacahmi cu an chimh.

MATTHAI 3:9

‘Abraham cu a kan hringsortu a si,’ tiin kan luat lai, tiah i ruat hlah u. Pathian nih hi lung hna hi Abraham tefa ah cun a ser khawh ko hna, ti hi kan chimh hna.

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.