MIKAH 2:1 - Lai (Hakha) Common Language Bible 2006

¹ An ihkhun cungin ṭhat lonak le sualnak khua a ruat i An ruahmi cu kan tuah khawh sawk tiin tuah awkah deika tein a thomi hna cungah cun ningzahnak tlung ko seh!

MIKAH 2:1 ပူးပေါင်းရင်းမြစ်များ

GENESIS 31:29

Na cungah hin harnak ka duh ahcun ka tlunter khawh ko. Asinain zahan ah na pa Pathian nih, ‘Jakob sinah hronak bia na chim nakhnga lo i ralring,’ tiah a ka ti.

1 SIANGPAHRANG 21:7

Cun a nupi Jezebel nih a thawh i, “Israel hi atu ah nangmah nih na uk maw? Tho law rawl ei law na lung kha lawmhter tuah; Jezreel mi Naboth mitsur dum cu keimah nih kan pek lai,” tiah a ti.

ESTHER 3:8

Cun Haman nih Siangpahrang Ahasuerus cu a thawh i, “Na ram chung i peng dihlak ah hin, a kenkip le mi kip sinah aa ṭhekmi miphun pakhat an um; an phunglam cu midang hna phunglam he khan an i dang i annih nih siangpahrang nawlbia kha ngaih an duh lo caah annih cu hi bantukin in ko ahcun siangpahrang caah miaknak zeihmanh a um lai lo.

ESTHER 5:14

Cun a nupi Zeresh le a hawikom vialte nih cun an thawh i, “Mi thlainak dong sawm nga a sangmi ser si seh law, cun cuka ah cun Mordekai kha thlai si seh, tiah zingka ah siangpahrang cu chim; cun siangpahrang he cun lunglawm ngaiin rawl danghnak ah cun kal te u,” tiah an ti. Hi ruahnak cheuhmi nih Haman cu a lung a ton ngaingai i mi thlainak cu a serter hna.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

JOB 15:35

Mi ṭhat lonak ding kha fapawi in an i pawi i ṭhat lonak kha an hrin, An paw chungin a chuakmi fa cu hlennak kha a si,” tiah a ti.

JOB 24:14

Lainawng cu sifak le retheimi kha thah awkah ceu hlan in a tho;

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

SALM 58:3

Miṭhalo cu an chan chung vialte palhnak a tuahmi an si, an chuah ni in lihchim an i thawk.

PHUNGTHLÛKBIA 12:2

Bawipa nih miṭha cu a lawmh hna, sihmanhsehlaw ṭhat lonak khua a khangtu cu sual a phawt hna.

PHUNGTHLÛKBIA 14:22

Ṭhatnak caah rian na ṭuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

PHUNGTHLÛKBIA 3:27

Nangmah kut chungah ṭhatnak tuah khawhnak kha a um tikah, a hmu hnga ding a simi sinin ṭhatnak kha va kham hlah.

PHUNGTHLÛKBIA 4:16

Zeicahtiah annih cu thil sual pakhat tal an tuah lo ahcun an it kho lo i mi pakhat tal an tlukrilhter hna lo ahcun an i hngilh kho lo.

ISAIAH 29:20

Midang a hremtu hna le Pathian zei ah a rel lomi hna caah cun an donghnak a si lai. Misual paoh cu hrawh an si lai.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 32:7

Amah cu miṭhalo a si i thil ṭhalo kha a tuah; sifakmi kha an rawk khawh nakhnga a lih in khua a khan lengmang i an hmuh hngami kha hmu loin an um nakhnga aa zuam.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

ISAIAH 59:3

Lih nan chim, nan puar i lai nan nawn.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

EZEKIEL 11:2

Cun Bawipa nih a ka thawh i, “Mipa, hi hna hi khua chung i ṭhat lonak le harnak khua a khangtu cu an si,

EZEKIEL 33:26

Vainam kha nan i bochan, thil fihnung kha nan tuah hna, nan nupile kha nan i thurhhnawmhpiak i ram kha co nan i ruah ṭhiamṭhiam!

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

EZEKIEL 46:18

Uktu bawi nih khan mi nih an ngeihmi thilri kha a lakpiak hna lai lo; a fapale kha ro pek a duh hna tikah amah nih a ngeihmi vawlei khan a cheuh hna lai i cuticun ka mi hna cu an ro sin khan an i ṭhen lai lo i an i ṭhek lai lo.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

NAHUM 1:11

Nineveh, nangmah chungin fimchimtu ṭhalo pakhat a chuak i Bawipa dohnak khua kha a khan,

ZEKHARIAH 7:10

ngakṭah le nuhmei, ramdangmi le sifakmi kha serhsat hna hlah u, pakhat le pakhat nan cungah ṭhat lonak kha i tlunter hlah u,” a ti.

MARKA 15:1

A thaizing zingkate ah tlangbawi upa hna cu haotu upa hna le phungbia cawnpiaktu saya hna le biaceihtu vialte hna he khan hnawhsare in an i pum i khua an khang. Jesuh cu thir cikcin in an khih i an kalpi i Pilat kut chungah khan an pek.

LUKA 20:19

Phungbia cawnpiaktu saya hna le tlangbawi upa hna nih khan Jesuh cu tlaih colh an duh, zeicahtiah hi bianabia hi kanmah a kan chimhnawh ti kha an i hngalh, sihmanhsehlaw mizapi kha an ṭih hna.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

LAMKALTU 23:12

A thaizing ah Judah mi a cheukhat kha hmunkhat ah an i tong i khua an khang. Paul kan thah hlanah cun rawl zong kan ei lai lo, ti zong kan ding lai lo, tiah biakamnak an tuah.

LAMKALTU 23:15

Cucaah nanmah le khawngsil pawl nih khan Rom ralkap haotu kha bia hei cah u law, Paul kongah bia fiang deuh in theih a duh bantukin i umter u law, Paul kha kan sinah run thlah tuah tiah ti u law, kannih nih hika a phak hlanah rak that dingin timhcia tein kan rak um lai,” an ti.

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

DEUTERONOMI 28:32

Nan fapa hna le nan fanu hna cu miphun dang kha pek an si lai; chun nitlak in anmah ngaih ah nan mit hram fak in khua nan cuan lai, sihmanhsehlaw zeihmanh nan tuah kho ṭung lai lo.