MIKAH 1:8 - Lai (Hakha) Common Language Bible 2006

⁸ Cucaah Mikah nih aa thawh i, “Ka kiao ka raak lai i taklawng le kelawng in kaa chawk lai; Cenghngia bangin ka ai lai i thetse ram chimbu bangin ka ṭap lai.

MIKAH 1:8 ပူးပေါင်းရင်းမြစ်များ

2 SIANGPAHRANG 18:13

Hezekiah Siangpahrang a bawi kum hleilinak ah Assiria siangpahrang Sennakherib nih khan Judah ram chung i kulh mi khua vialte kha a rathnawh hna i a lak hna.

ESTHER 4:1

An tuahmi vialte cu Mordekai nih a hngalh tikah a puan kha a thleh hna i buri kha a aih i vutcam kha aa phulh, cun khualai ah khan aa chawk i fakpi le lunghno ngaiin a ṭap.

JOB 30:29

Ram ui cu ka unau a si ko cang, ostrik va cu ka hawi a si ko cang.

SALM 102:6

Thetse ram i a ummi va bantuk khi ka si, chuahtakmi khua rop i chimbu bantuk ka si.

ISAIAH 13:21

Cu hmun cu thetse rawn saram umnak hmun ah a cang lai i chimbu nih an bu an saknak hmun a si lai. Cuka ah cun ostrik va an um lai i sathar hna cu cu hmunrop ah cun an laam lai.

ISAIAH 13:22

Innsang hna le bawi inn nuamnuam ah khan cenghngia aw le ramui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.

ISAIAH 16:9

Sihmanhsehlaw atu cu Jazer ka ṭah bang khan Sibmah khua mitsur ruang cu ka ṭah ve hna. Heshbon le Elealeh caah ka mitthli a tla, zeicahtiah mi lawmhternak dingah kumvui zeihmanh a um lo.

ISAIAH 21:3

Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.

ISAIAH 22:4

Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

ISAIAH 32:11

Nunnuam zaang awl ngaiin khua nan sa i khuaruahharnak zeihmanh tong loin nan um; sihmanhsehlaw atu cu a ther in ther cang u. Nan puan kha i phoih dih u law nan tai ah puanchia i kaih u.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

JEREMIAH 9:10

Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:19

Zion i ṭah thawng cu ngai hmanh: Zeitluk in dah kan rawhnak cu ṭihnung a si, Zeitluk in dah kan ningzahnak cu a fah! Kan vawlei cu kan chuahtak cang hna i kan inn cu an cim dih cang.

EZEKIEL 32:18

“Mipa, Izipt le a mi hna kha ṭah hla lawh hna, Nangmah le miphun hna nu hna nih lawh hna u, Khor chungah a vung kalmi hna he cun tanglei vawlei ah ka vun kalpi hna lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

1 SAMUEL 19:24

Cun amah zong cu a hnipuan kha aa phoih ve i Samuel hmaiah khan bia a chim cukmak ve, cun cu ni cu chun nitlak, zan khuadei, pumlawng in a it. Cucaah, “Saul zong profet hna lakah aa tel ve cang dahra?” ti a si lan.