MIKAH 1:6 - Lai (Hakha) Common Language Bible 2006

⁶ Cucaah Samaria cu ramlak i thilchia ponnak hmun, mitsur cinnak ah ka ser lai. A lung kha hor chungah ka hlonh hna lai i a dirnak a hram kha ka langhter lai.

MIKAH 1:6 ပူးပေါင်းရင်းမြစ်များ

2 SAMUEL 17:13

Cun khua chung i a luh a si ahcun, Israel mi vialte nih cu khua ah cun hri an rak put ciammam lai i cu khua i lung tekep pakhat hmanh a tan ti lo tiangin cu khua cu horkuang chungah kan rawt lai,” tiah a ti.

2 SIANGPAHRANG 18:10

kum thum a dihnak ah a lak. Hezekiah a bawi kum ruknak, cucu Israel siangpahrang Hoshea a bawi kum kuanak a si, cu kum ah cun Samaria cu a lak.

2 SIANGPAHRANG 18:9

Hezekiah siangpahrang a bawi kum linak, cucu Israel siangpahrang Elah fapa Hoshea a bawi kum sarihnak a si, cu kum ah cun Assiria siangpahrang Shalmaneser nih Samaria kha a hunhnawh i a kulh i

2 SIANGPAHRANG 19:25

“Hlanpi in ka rak ruah cang, tiah na thei lo maw? Atu cu ka tlinter cang. Ralhruang in kulhmi khualipi hna cu rawkmi thilpon ah ser kan onh i,

ISAIAH 17:1

Hi bia hi Damaskas kong bia a si. Bawipa nih aa thawh i, “Damaskas cu khua a si ti lai lo, thil rawk pon lawnglawng a si cang lai.

ISAIAH 25:12

Pathian nih Moab ralhau sang pipi hna cu a chimh hna lai i leidip lakah an tlu lai.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

JEREMIAH 31:5

Samaria tlang cungah khan mitsur dum kha nan ser ṭhan hna lai i Mitsur dum in a chuakmi cu a cingtu hna nih khan an ei lai.

JEREMIAH 51:25

Maw Babilon, nang cu vawlei pumpi a hrawktu tlang bantuk na si, Nangmah cu kan ralchanh cang; Nangmah cu ka kut kan samhhnawh lai i Cangdonh lo na sermi ah cun kan hrilh lai i a kangmi tlang ah kan ser lai.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

JEREMIAH 9:11

Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

EZEKIEL 13:14

Si rang nan thuhmi inn cu ka chimh lai i vawlei ah ka hrilh lai i a hram kha an lang dih lai. A tlu lai i cu chungah cun nannih zong hrawh nan si chih lai; cuticun Bawipa ka si kha nan hngalh lai.

HOSEA 13:16

Samaria nih a Pathian kha a doh caah a ṭiao dih lai; A mi hna cu ral kut in an thi lai i a ngakchia no tete hna cu vawlei ah tengh an si lai, Fapawi liomi an nule hna cu an paw thler dih an si lai.

AMOS 5:11

Nannih nih sifakmi kha nan lamhchih hna i Rawl kha hramhram in nan chuh hna caah Nannih nih lung remhmi inn cu i sak hna hmanh u law an chungah nan um lai lo; Nannih nih mitsur dum ṭhaṭha i ser hmanh u law, an hang kha nan ding lai lo.

AMOS 6:8

Bawipa Pathian hrimhrim nih chiatser in hi bangin a ti: Jakob a ruamkainak cu ka fih, a ralhruang hna cu ka fih hna; Khuapi cu a chung i a ummi vialte hna he ral kut chungah ka chanh lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

HABAKKUK 3:13

Na mi hna khamh awkah khan na kal i Na chiti thuhmi khamh awkah khan na ra; Miṭhalopa inn cu a cunglei in na vun ṭheh i a hram lung a langh ritret tiang na hlai.

MATTHAI 24:2

Aa thawh i, “Hihi nan hmuh cio ko hna a si lo mei? Sihmanhsehlaw hihi kan chimh hna: lung pakhat hmanh hi a umnak kel ah a ummi an um te lai lo, an dihlak tein chimh an si dih lai,” tiah a ti.