MIKAH 1:3 - Lai (Hakha) Common Language Bible 2006

³ Zohhmanh, Bawipa cu a umnak hmun khan a chuak i a rung ṭum i vawleicung tlang sang hna cungah khan aa chawk.

MIKAH 1:3 ပူးပေါင်းရင်းမြစ်များ

JOB 40:12

Aa porhlawmi paoh cu zoh hna law tangah ṭhum ko hna; Cun miṭhalo hna cu an dirnak ah khan lam hna.

SALM 115:3

Kan Pathian cu vancung ah khin a um i a duhmi paoh kha a tuah ko.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

EZEKIEL 3:12

Cun thlarau nih a ka cawi i, Bawipa sunparnak cu a umnak hmun in a thawh tikah khan ka hnulei ah thawng ṭihnung ngai pakhat ka theih.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

AMOS 9:5

Bawipa ralkapbu Pathian nih vawlei kha a tawngh i a ti dih, A cung i a ummi vialte cu an ro dih; Nail tiva lian bantukin vawlei cu a tho i Izipt Tivapi bantukin a ṭum ṭhan.

HABAKKUK 3:19

Bawipa Pathian cu ka ṭhawnnak hram a si, Ka ke cu sazuk ke bantukin a khul a ranter hna i tlang sang cungah khan a ka hruai.

ZEKHARIAH 14:4

Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

DEUTERONOMI 32:13

Vawlei hmunsang cungah a citter i Lo in a chuakmi thil kha a eiter hna; Lungpi chungin khuaihliti le Ṭeklung chungin chiti kha a dawpter hna.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.