MATTHAI 9:20 - Lai (Hakha) Common Language Bible 2006

²⁰ Cu lioah cun, nu pakhat, thi chuah zawtnak in kum hleihnih tiang a zaw cangmi kha a hnulei in a ra i a puan parte kha a tongh.

Laibaibal Thiang (BSI)

²⁰ Ruahlopiin, kum hleihnih tiang a thi a chuakmi nu pakhat a ra i a puanki kha a tongh.

MATTHAI 9:20 ပူးပေါင်းရင်းမြစ်များ

MATTHAI 14:36

A zawmi cu na puan tlang tal kha tawnghter ko hna, tiah an nawl i a tawngmi paoh cu an dam dih.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 9:19

Cucaah Jesuh cu a tho i amah cu a zulh i a zultu hna zong kha a sinah cun an kal ve.

MARKA 6:56

Cun Jesuh cu a kalnak kip ah khan, khuate ah siseh, khuapi ah siseh, lo ah siseh, mi nih an mizaw hna cu chawdawrnak hmun ah khan an rak chuahpi cio hna i, a zawmi hna nih hin na puanki tal in tawng hna seh, tiah an nawl; cun a tawngmi paoh cu an dam.

MARKA 8:22

Bethsaida khua kha an phan i Jesuh sinah cun mitcawpa pakhat an ratpi i a rak tawngh nakhnga an nawl.

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

LAMKALTU 5:15

Lamkaltu hna rianṭuannak thawng cun, mizaw hna cu khuachung lam ah khan an chuahpi hna i Peter aa chawh tikah khan pakhat pahnih tal kha a thla nih tawng hna seh tiin ihkhun cung le pher cungah khan an chiah hna.

DEUTERONOMI 22:12

“Nan i khuhnak puan cu a tlang pali ah a hmum nan thlaih hna lai.