MATTHAI 9:2 - Lai (Hakha) Common Language Bible 2006

² A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, “Ka fapa, na lung dong hlah! Na sualnak cu ngaihthiam na si cang,” tiah a ti.

Laibaibal Thiang (BSI)

² Cun zohmanh, a zengmi pakhat kha a ihnâk he an rak zawnh. An zumhnâk kha Jesuh nih a hmuh i mizeng sinah, “Ka fa, thanuam tein um, na sualnâk ngaihthiam a si cang,” tiah a ti.

MATTHAI 9:2 ပူးပေါင်းရင်းမြစ်များ

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

MATTHAI 14:27

Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

MATTHAI 8:10

Cu bia cu Jesuh nih a theih tikah a khuaruah a har i a zulmi mizapi hna cu, Hi pa bantukin zumhnak a ngeimi Israel mi hna lakah ahohmanh ka hmu rih hna lo.

MATTHAI 8:16

Zanlei sang a si tikah khuavang ngeimi tampi kha Jesuh sinah cun an ratpi hna. Bia kaa khat in thlarau ṭhalo kha a ṭhawl hna i a zawmi vialte kha a damter hna.

MATTHAI 9:22

Jesuh cu a hun i mer i minu cu a hmuh i, “Ka fanu, na thinphang hlah! Na ka zumhnak nih an damter cang,” tiah a ti. Cu caan te ah cun minu cu a dam colh.

MATTHAI 9:5

‘Na sualnak cu ngaihthiam na si cang,’ ti cu maw a fawi deuh, ‘Tho law kal tuah,’ ti dah a fawi deuh?

MATTHAI 9:6

Mi Fapa nih vawlei cungah hin sual ngaihthiam khawhnak a ngei ti kha kan hngalhter hna lai,” a ti i cucaah mizengpa cu, “Tho law, na ihkhun kha i put law inn ah va ṭin,” tiah a ti.

MARKA 1:32

Zanlei, ni a tlak hnuah khan Jesuh sinah cun a zawmi vialte le khuavang nih a tuahmi vialte hna kha an ratpi hna i

MARKA 10:49

Jesuh cu a dir i, “Hei au u,” tiah a ti. Cucaah mitcawpa cu an hei auh i, “Na thanuam ko, tho, an kawh cuh,” an ti.

MARKA 5:34

Jesuh nih cun, “Ka fanu, na zumhnak nih an damter cang. Dai tein va kal law na zawtnak cun va dam ko cang,” tiah a ti.

MARKA 6:50

an dihlak in an hmuh i an thin a phang i, mithla a si, tiah an ruah i an ai. Sihmanhsehlaw Jesuh nih cun khulrang tein a hei chawnh hna i, “Nan thin phang hlah u, keimah ka si,” tiah a ti hna.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 2:25

Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

JOHAN 21:5

Jesuh nih cun a thawh hna i, “Tlangval hna, zeihmanh nan tlai lo maw?” tiah a ti hna. Annih nih, “Zeihmanh kan tlai lo,” tiah an leh.

LAMKALTU 14:9

Khika ah cun a ṭhu ve i Paul bia kha a ngai ve. Paul nih cun, hi pa nih hin ka chimmi hi a zumh i damh khawh a si lai, ti kha a hmuh caah amah cu dengteo in a vun zoh i

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

JEIM 2:18

Sihmanhsehlaw a cheu nih nan i thawh hnga i, “Pakhat nih zumhnak a ngeih, a dang pakhat nih tuahnak a ngeih,” nan ti hnga. Cu tikah kan lehnak hna cu, “Zeitindah tuahnak um loin mi nih zumhnak a ngeih khawhning a si ka hmuhsak tuah. Kei nih cun ka zumhnak cu ka tuahnak in kan hmuhsak hna lai,” ti hi a si hnga.