MATTHAI 9:14 - Lai (Hakha) Common Language Bible 2006

¹⁴ Khi hnuah Tipil petu Johan zultu pawl kha Jesuh sinah cun an ra i, “Zeicahdah kannih le Farasi mi hna cu atu le atu rawl kan ul i nang na zultu hna cu an ulh kun lo,” tiah an hal.

Laibaibal Thiang (BSI)

¹⁴ Cuhnuah Johan zultu kha a sinah an ra i, “Kannih le Farasih hna nih rawl kan ulh tawn, asinain na zultu hna nih an ul bal lo?” tiah an ti.

MATTHAI 9:14 ပူးပေါင်းရင်းမြစ်များ

PHUNGTHLÛKBIA 20:6

Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

MATTHAI 11:2

Tipil petu Johan nih thong chungin Khrih rianṭuannak kong kha a rak theih tikah a zultu tlawmpal kha a sinah a hei thlah hna i,

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

JOHAN 3:25

Johan zultu a cheukhat hna kha Judah mi he i thianhnak phung kong an i al.

JOHAN 4:1

Farasi pawl nih khan Jesuh nih Johan nakin zultu tam deuh a lak hna i tipilnak a pek hna ti kha an theih.