MATTHAI 8:6 - Lai (Hakha) Common Language Bible 2006

⁶ “Bawipa, ka sinumpa cu a zaw i inn ah a ril ko, a cawl zong a cawlcang kho lo i a zual ngaingai ko,” tiah a ti.

Laibaibal Thiang (BSI)

⁶ “Bawipa, ka sin-um a zeng i temtuar ngaiin a it ko,” tiah zângfah a rak nawl.

MATTHAI 8:6 ပူးပေါင်းရင်းမြစ်များ

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 8:7

Jesuh nih cun, “Ka ra lai i ka damter lai,” tiah a ti.

MATTHAI 9:2

A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, “Ka fapa, na lung dong hlah! Na sualnak cu ngaihthiam na si cang,” tiah a ti.

LAMKALTU 10:7

Cun amah sinah bia a chimtu vancungmi kha a kal i Kornelias nih cun a inn chung i a sinum pahnih hna le ralkap pakhat kha a auh hna; ralkappa cu biaknak lei i lungthin a ngei ngaingaimi a si i amah Kornelias a zohkhenhtu hna lak i aa tel vemi pakhat kha a si.

LAMKALTU 8:7

Mi tampi chungin khuachia kha aupah in an chuak i a zengmi le a beimi mi tampi kha damnak an hmu.

LAMKALTU 9:33

Khika ah mipa pakhat Ainias an timi kha a va hmuh i cu pa cu mizeng a si i a ihkhun in kum riat chung a tho ti lo.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

KOLOSE 4:1

Bawile hna, nan sal pawl cungah ding te le dawh tein khuasa u. Vancung ah nannih zong Bawi nan ngeih ve kha philh hlah u.

1TIMOTE 6:2

Nan bawile cu a zummi an si ahcun, atu cu unau kan si cang sawk tiin nan serhsat hna lai lo. An rian kha ṭha chinchin tu in nan ṭuanpiak hna lai, zeicahtiah nan ṭuannak thawngin thil ṭha a hmumi hna cu, zumhnak le dawtnak ah nan u le nan nau an si.

FILEMON 1:16

Atu cu sal menmen a si ti lo, sal nak let tampi ṭha, Khrihfa chung i dawtmi unau a si cang. Kei nih cun ka dawt hringhran, nang nih zeitluk in dik na dawt chinchin lai — na caah sal lawng si ti loin Bawipa chung i unau a si cang.