MATTHAI 8:4 - Lai (Hakha) Common Language Bible 2006

⁴ Cun Jesuh nih amah cu a thawh i, “Ka bia ngai, ahohmanh chim hna hlah, sihmanhsehlaw tlangbawi sinah khan ding teomao in va kal law rak in zoh seh. Cun mizapi sinah ka thiang cang, ti langhternak caah Moses nih tuah awk a timi raithawinak kha va tuah,” tiah a ti.

Laibaibal Thiang (BSI)

⁴ Jesuh nih, “Ahohmanh chim hna hlah; asinain va kal law, tlângbawi sinah vâ zohter, fiang tein na dam cang ti an hngalh khawh nâkhnga, Moses nih a chimmi thawinâk kha va tuah,” tiah a chimh.

MATTHAI 8:4 ပူးပေါင်းရင်းမြစ်များ

ISAIAH 42:21

Bawipa cu mi khamh a duhmi Pathian a si, cucaah a cawnpiaknak kha upat hna seh, ti a duh.

LEVITIKAS 13:49

thinghmui zawtnak a um i cu zawtnak cu puan ah siseh, saphaw ah siseh, a tah in tahmi ah siseh, a phiar in phiarmi ah siseh, zeipaoh saphaw in sermi ah siseh, a hring deuh in siseh, a sen deuh in siseh, a langh ahcun, thinghmui zawtnak a si i tlangbawi zohter awk a si.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

MATTHAI 16:20

Cun Jesuh nih Messiah a si cu ahohmanh chim hna hlah u, tiah a thlauh hna.

MATTHAI 17:9

Tlang cungin an ṭum pah ah khan, “Hi thil nan hmuhmi hi, Mi Fapa hi thihnak in thawhter ka si ṭhan hlanah cun ahohmanh chim hna hlah u,” tiah a ti hna.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

MATTHAI 5:17

“Moses Nawlbia hna le profet hna cawnpiaknak kha hrawh awkah a ra, tiah ka ruat hlah u. Annih kha hrawh awkah si loin, an cawnpiaknak kha tlinter awk tu ah ka ra.

MATTHAI 6:1

“Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

MATTHAI 9:30

annih cu khua an hmu kho ṭhan. Annih cu Jesuh nih fak piin, “Hihi ahohmanh va chim hna hlah u,” tiah a ti hna.

MARKA 13:9

“Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MARKA 3:12

Jesuh nih thlarau ṭhalo hna cu, aho a si kha, ahohmanh nan chim hna lai lo, tiah fek tein a ti hna.

MARKA 5:43

Sihmanhsehlaw Jesuh nih ahohmanh nan chim hna lai lo, tiah fek tein nawl a pek hna i, “Ei awk pe tuah u,” tiah a ti hna.

MARKA 6:11

Cun tluninn an in dawnh hna i nan bia an ngaih duh lo ahcun, cuka hmun cu nan kebeh va khawnhnawhtak u law va chuahtak u. Cucu an caah ralrin peknak a si lai,” a ti.

MARKA 7:36

Cun Jesuh nih khan, hi kong cu ahohmanh nan chim hna lai lo, tiah a thlauh hna; sihmanhsehlaw tam deuh in a thlauh hna paoh ah tam deuh in an chim chin.

MARKA 8:30

Cun Jesuh nih, “Ka kong hi ahohmanh chim hna hlah u,” tiah a ti hna.

MARKA 9:9

Tlang cungin an ṭum pah ah khan Jesuh nih, “Mi Fapa hi thihnak in ka thawh hlanah cun nan hmuhmi kha ahohmanh chim hna hlah u,” tiah a ti hna.

LUKA 17:14

Jesuh nih cun a hmuh hna i, “Va kal u law tlangbawi nih khan rak in zoh hna seh,” tiah a ti hna. An kalpah cun lampi ah cun an thiang.

LUKA 21:13

Cucu nan ca i Thawngṭha chimnak caan ṭha a si lai.

LUKA 4:41

Mi tampi chungin khuachia zong kha an chuak i an chuahpah ah cun, “Nangmah cu Pathian Fapa na si,” tiah an au. Sihmanhsehlaw annih cu a sik hna i holh a thlauh hna, zeicahtiah Messiah a si kha an hngalh.

LUKA 5:14

Jesuh nih cun, “Mah hihi ahohmanh chim hna hlah, tlangbawi sin bel ah khan va kal zau law rak in zoh seh; na thiang cang ti langhternak ah Moses nawlbia ningin raithawinak kha va tuah,” tiah a fial.

LUKA 8:56

A nu le a pa cu an khuaruah a har ngaingai, sihmanhsehlaw hi kong cu ahohmanh chim hna hlah u, tiah Jesuh nih a thlauh hna.

LUKA 9:21

Cun Jesuh nih ka kong cu ahohmanh nan chim hna lai lo tiah fek tein a ti hna i,

JOHAN 5:41

“Mi sinin thangṭhatnak hmuh ding kha ka kawl lo.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

JOHAN 8:50

Kei cu keimah lila sunparnak a kawlmi ka si lo, sihmanhsehlaw a ka kawlpiaktu pakhat a um i amah cu keimah ṭhatnak in bia a ceihtu kha a si.