MATTHAI 8:25 - Lai (Hakha) Common Language Bible 2006

²⁵ A zultu cu a sinah khan an va kal i an ṭhangh i, “Bawipa, kan khamh tuah. Kan thi dih cang lai hi ta,” an ti.

Laibaibal Thiang (BSI)

²⁵ Cuticun a zultu kha a sinah an ra i, “Bawipa, kan khamh tuah, kan thi dih lai hih,” tiah an ti.

MATTHAI 8:25 ပူးပေါင်းရင်းမြစ်များ

2 CHANRELNAK 14:11

Cun Asa nih Bawipa a Pathian kha a auh i, “Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh,” tiah a ti.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 10:1

Maw Bawipa, zeicahdah lamhla tuk ah na um? Zeicahdah harnak caan ah naa thuh?

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

MATTHAI 8:2

Cun thinghmuipa pakhat kha a ra i a hmaiah khuk bil in a kun i, “Bawipa, na duh ahcun na ka damter khawh ko,” tiah a ti.

MATTHAI 8:24

Chikkhatte ah khin thlichia a hrang ciammam i tilet nih lawng cu a khuh. Sihmanhsehlaw Jesuh cu aa hngilh.

MATTHAI 9:18

Cu bia cu Jesuh nih a chimh lio hna ah khan, Judah mi lak i bawi pakhat a simi kha a sinah a ra i a hmaiah a khuk aa bil i, “Tunaite ah khan ka fanu a thi, sihmanhsehlaw ra law a cungah na kut ra chia law a nung ko lai,” tiah a ti.

LUKA 8:24

A zultu hna cu Jesuh sinah khan an ra i an hlauh i, “Saya, saya, kan thi dengmang ko hih,” an ti. Jesuh cu a hung tho i thlitu le tilet cu a caak hna. Thlichia cu a dai i zeizong vialte cu dai zirziar in a um.