MATTHAI 8:22 - Lai (Hakha) Common Language Bible 2006

²² Jesuh nih cun, “Ka zul ko, mithi nih an mithi cu rak vui ko hna seh,” tiah a leh.

Laibaibal Thiang (BSI)

²² Asinain Jesuh nih, “Ka zul ko, mithi nih an mithi cu vui ko hna seh,” tiah a ti.

MATTHAI 8:22 ပူးပေါင်းရင်းမြစ်များ

1 SIANGPAHRANG 19:20

Cun a cawtum kha a kaltak hna i Elijah cu a dawi i, “Ka nu le ka pa va hnam ta hna ning law, cun kan zulh lai,” tiah a ti. Cun anih nih a thawh i, “Va kir ṭhan ko ngat, kan thlauh lo zeicahtiah na cungah zeidah ka tuah kha na hngalh,” tiah a ti.

MATTHAI 8:21

Amah zultu a simi, midang pakhat nih khan, “Bawipa, va kir ta ning law ka pa kha va vui ta ning,” tiah a ti.

MATTHAI 9:9

Cuka hmun cun Jesuh cu a chuak i a kalpah ah khan ngunkhuai khawltu Matthai a zung i a rak ṭhut ko kha a hmuh. Amah cu, “Ka zul,” tiah a ti. Matthai cu a tho i a zulh.

MARKA 2:14

Aa chawhpah ah khan ngunkhuai khawltu pakhat a zung i a rak ṭhut ko kha a hmuh. Cu pa cu Alfeas fapa Levi kha a si. Jesuh nih cun Levi cu, “Ka zul,” tiah a ti i a tho i a zulh colh.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 9:59

A dang pakhat tu cu a thawh i, “Ka zul,” tiah a ti. Sihmanhsehlaw cu pa nih cun, “Bawipa, ka pa kha va vui ta ning,” a ti.

LUKA 9:60

Jesuh nih cun a leh i, “Mithi nih an mithi kha va vui ko hna seh. Nang tu cu va kal law Pathian Pennak kong kha va chim ko,” tiah a ti.

JOHAN 1:43

A thaizing cu Jesuh cu Galilee ram kal kha aa tim. Filip kha a hei hmuhpah i, “Ka zul,” tiah a ti.

JOHAN 21:19

(Hi bantukin Jesuh nih a chim tikah khan Peter cu zei bantuk thihnak in dah a thih lai i zeitindah Pathian kha sunparnak a pek lai ti kha a hmuhsak duh caah a si). Cun Jesuh nih, “Ka zul,” tiah a ti.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

EFESA 2:1

Hlanah cun nawl nan ngaih lo ruang le nan sual ruangah thlarau lei in nan rak thi.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

KOLOSE 2:13

Hlan ah cun nannih cu phung leng um Jentail mi nan si ca le nan sualnak ruangah, thlarau lei in a thimi nan rak si. Sihmanhsehlaw atu cu Khrih sinah Pathian nih an nunter cang hna. Pathian nih kan sualnak vialte cu a kan ngaihthiam.

1TIMOTE 5:6

Asinain nuamhnak lei i aa pemi nuhmei cu a nung nain a thi cangmi a si.