MATTHAI 8:16 - Lai (Hakha) Common Language Bible 2006

¹⁶ Zanlei sang a si tikah khuavang ngeimi tampi kha Jesuh sinah cun an ratpi hna. Bia kaa khat in thlarau ṭhalo kha a ṭhawl hna i a zawmi vialte kha a damter hna.

Laibaibal Thiang (BSI)

¹⁶ Zanlei ah khuachia tlaihmi tampi an ratpi hna. Thlarau ṭhalo kha nawl pein a ṭhawl hna i a zawmi vialte zong a damter hna.

MATTHAI 8:16 ပူးပေါင်းရင်းမြစ်များ

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

MATTHAI 12:22

Cun Jesuh sinah cun, mipa pakhat khuachia nih a tuah ruangah a mit a caw i a holh kho lomi kha an ratpi. Jesuh nih cun a rak damter i cucaah a holh kho i khua zong a hmu kho.

MATTHAI 14:14

Jesuh cu lawng chung khan a hung chuak i mizapi kha a hmuh hna tikah a zaang an fak ngaingai. Cucaah cun an mizaw hna kha a damter hna.

MATTHAI 8:15

A kut kha a vun tongh i a taklin cu a dai i a tho i annih kha a bultawl hna.

MATTHAI 8:33

Vok zohkhenhtu hna cu khulrang in khua ah cun an va le i cu kong cu le khuachia nih a tuahmi hna kong kha an va chimh hna.

MATTHAI 9:2

A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, “Ka fapa, na lung dong hlah! Na sualnak cu ngaihthiam na si cang,” tiah a ti.

MARKA 2:3

cu lioah cun mi pali nih a zengmipa pakhat kha an rak zawnh.

MARKA 5:8

(Hi bia a chimnak cu, Jesuh nih khan, “Thlarau ṭhalo, hi pa chung hin chuak,” tiah a rak ti caah a si.)

MARKA 9:25

Jesuh nih cun zapi nih an naih chin lengmang hna kha a hmuh tikah, thlarau ṭhalo cu, “A hna zong a chet i a holh zong a holh kho lomi thlarau, ngakchiapa chung khan chuak law a luh zong lut ṭhan ti hlah, kan ti,” tiah a ti.

LUKA 13:12

Jesuh nih a hmuh tikah a hei auh i, “Minu, na zawtnak in na luat cang,” tiah a ti.

LUKA 4:40

Ni tlak hnuah, mizaw a ngeimi paoh nih khan, zawtnak a phunphun in a zawmi an mizaw hna kha Jesuh sinah cun an ratpi hna; an lu cungah khan a kut a chuan diahmah i an dihlak in a damter hna.

LUKA 4:41

Mi tampi chungin khuachia zong kha an chuak i an chuahpah ah cun, “Nangmah cu Pathian Fapa na si,” tiah an au. Sihmanhsehlaw annih cu a sik hna i holh a thlauh hna, zeicahtiah Messiah a si kha an hngalh.

LAMKALTU 5:15

Lamkaltu hna rianṭuannak thawng cun, mizaw hna cu khuachung lam ah khan an chuahpi hna i Peter aa chawh tikah khan pakhat pahnih tal kha a thla nih tawng hna seh tiin ihkhun cung le pher cungah khan an chiah hna.