MATTHAI 8:14 - Lai (Hakha) Common Language Bible 2006

¹⁴ Jesuh cu Peter inn ah khan a va kal i Peter nupi nu cu a rak zaw i ihkhun ah khan a rak ril ko.

Laibaibal Thiang (BSI)

¹⁴ Jesuh cu Peter inn chungah a luh tikah, a nupi nu cu a zaw i a ih ko kha a hmuh.

MATTHAI 8:14 ပူးပေါင်းရင်းမြစ်များ

MATTHAI 17:25

Peter nih cun, “A pek ko,” tiah a leh hna. Peter cu inn chung i a vung luh ah khan Jesuh nih cun a rak hlehkanh i, “Simon, zeitindah na ruah? Aho nih dah vawlei cung siangpahrang hna hi ram dang thil luh man le ngunkhuai an pek tawn hna? Cuka ram mi hna nih cun maw ramdangmi nih dah?” tiah a hal.

MATTHAI 8:15

A kut kha a vun tongh i a taklin cu a dai i a tho i annih kha a bultawl hna.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

1TIMOTE 3:2

Khrihfabu hruaitu cu soisel awk um lomi, nupi pakhat lawng a ngeimi, zu rit hmang lomi, mah le mah aa uk khomi, ningcang tein khua a sami, khualtlung a dawmi, cawnpiak a thiammi a si lai;

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.