MATTHAI 8:13 - Lai (Hakha) Common Language Bible 2006

¹³ Cun Jesuh nih ralbawipa cu a thawh i, “Inn ah va ṭin law na zumhmi cu tuahpiak na si lai,” tiah a ti. Cun ralbawi sal cu, cu caan hrimhrim ah cun a rak dam.

Laibaibal Thiang (BSI)

¹³ Cuhnuah Jesuh nih ralbawipa sinah, “Va kal cang, na zumhning tein na cungah phân ko seh,” tiah a ti. Cu cân lila ah a sinumpa cu a rak dam colh.

MATTHAI 8:13 ပူးပေါင်းရင်းမြစ်များ

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

MATTHAI 15:28

Cucaah Jesuh nih cun, “Nangmah cu zumhnak ṭhawng ngaingai a ngeimi na si. Na duhmi cu kan tuahpiak ko lai,” tiah a ti. Cu caan hrimhrim ah cun a fanu cu a rak dam.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 8:4

Cun Jesuh nih amah cu a thawh i, “Ka bia ngai, ahohmanh chim hna hlah, sihmanhsehlaw tlangbawi sinah khan ding teomao in va kal law rak in zoh seh. Cun mizapi sinah ka thiang cang, ti langhternak caah Moses nih tuah awk a timi raithawinak kha va tuah,” tiah a ti.

MATTHAI 9:22

Jesuh cu a hun i mer i minu cu a hmuh i, “Ka fanu, na thinphang hlah! Na ka zumhnak nih an damter cang,” tiah a ti. Cu caan te ah cun minu cu a dam colh.

MARKA 7:29

Cucaah Jesuh nih cun, “Cu bantukin na ka leh caah na inn ah va ṭin ko, na fanu chungin khuachia kha a chuak cang,” tiah a ti.

MARKA 9:23

Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

JOHAN 4:50

Jesuh nih cun, “Va kal ko, na fa cu a nung lai,” tiah a ti. Mipa nih khan Jesuh nih a chimmi kha a zumh i a kal.