MATTHAI 7:7 - Lai (Hakha) Common Language Bible 2006

⁷ “Hal u law an in pek hna lai, kawl u law nan hmuh lai, king u law innka cu an in hunpiak hna lai.

Laibaibal Thiang (BSI)

⁷ Hal law, pêk na si lai; kawl law, na hmuh lai; king law, on piak na si lai.

MATTHAI 7:7 ပူးပေါင်းရင်းမြစ်များ

GENESIS 26:32

Cu ni ah cun Isak cu a salle nih tikhor an cawhmi kong cu an ra chimh. “Ti kan hmuh cang,” tiah an ti i

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

SALM 10:17

Bawipa, minauta cu an thlacamnak kha na ngaihpiak hna i lungṭhawnnak na pek hna.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

SALM 119:12

Bawipa, nangmah cu kan ṭhangṭhat, na phunglam cu ka cawnpiak ko hna.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 34:4

Bawipa sinah cun thla ka cam i a ka leh; ka ṭihmi thil vialte in a ka luatter.

SALM 37:4

Bawipa kha i bochan u law nan lungthli tum kha an pek hna lai.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 69:32

Cu thil cu serhsatnak a ingmi nih an hmuh tikah an i lawm lai; Pathian a biami cu lung ṭhawnnak thar an hmu lai.

SALM 70:4

Nangmah sinah a rami vialte cu lunglawm le thanuam in um hna seh. Na khamhnak a duhmi vialte nih, “Bawipa cu a lianngan hringhran ko,” ti zungzal hna seh.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

PHUNGTHLÛKBIA 8:17

A ka dawmi cu ka dawt hna i fel tein a ka kawlmi nih cun an ka hmuh.

SOLOMON HLA 3:2

Tho in kan lai lungrawn khua chung cu vel ning law, Zatlang lam le nuamh hmun zongah khin hei kawl hmanh ning, Lungthli ka tum ka kawl cu ee ka hmu kho ti lo, Ka dawt nunnem au len ko hmanh ah, anka lehrul um ri lo.

ISAIAH 30:19

Jerusalem khua i a ummi hna, nan ṭap ti lai lo. Bawipa cu zaangfah a thiammi a si i bawmhnak nan hal tikah nan auhnak cu an leh hna lai.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

AMOS 5:4

Mah hihi Bawipa nih Israel mi sinah a chimmi bia a si:

MATTHAI 18:19

Cun hi zong hi kan chimh hna: hi vawlei cungah hin, nan halmi thil kong ah, pahnih nan lung aa khah ahcun, nan halmi thil cu vancung i a ummi ka Pa nih an pek hna lai.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

MATTHAI 7:11

Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!

MATTHAI 7:8

Zeicahtiah a halmi paoh cu pek an si lai i a kawlmi paoh nih cun an hmuh lai i a kingtu paoh cu innka kha hunpiak an si lai.

MARKA 11:24

Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 3:11

Pathian a hngalmi ahohmanh an um lo, Pathian a kawlmi ahohmanh an um lo.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

JEIM 5:15

Zumhnak in thla an camnak nih khan a zawmi kha a damter lai; Bawipa nih damnak kha a pek ṭhan lai i sualnak a tuahmi kha ngaihthiam a si lai.

1JOHAN 3:22

amah nawl kha kan ngaih ca le a duhmi kha kan tuah caah kan halmi paoh kha kan hmuh.