MATTHAI 7:22 - Lai (Hakha) Common Language Bible 2006

²² Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai.

Laibaibal Thiang (BSI)

²² Cuniah cun mi tampi nih, Bawipa, Bawipa, na min in phung kan chim, na min in khuachia kan ṭhawl hna; na min in khuaruahhar thil tampi kan tuah a si lo mei,’ an ti te lai.

MATTHAI 7:22 ပူးပေါင်းရင်းမြစ်များ

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

NAMBAR 24:4

Pathian bia a theimi le A Lianngan Bik langhnak a hmu i a tlu nain A mit hunpiak a simipa bia cu hihi a si:

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 24:36

“Asinain, cu ni le cu caan cu zeitik ah dah a si lai, ti kha ahohmanh nih an hngal lo; vancung mi zong nih an hngal lo, Fapa zong nih a hngal hlei lo, Pa lawnglawng nih a hngalh.

MATTHAI 25:11

“Hnu deuh ah khin ngaknu dang zong kha an ra phan ve. ‘Bawipa, bawipa, innka hung kan hunh tuah,’ tiah an au.

MATTHAI 7:21

“ ‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

LUKA 10:12

Mah hihi kan chimh hna, Biaceih Ni ah cun hi khua nak hin Pathian nih Sodom khua kha a zaangfah deuh lai,” tiah a ti.

JOHAN 11:51

A ngaingai ti ahcun, hi bia hi amah lungchuak in a chimmi a si lo; cu kum cu amah kha Tlangbawi Ngan a si bantukin, Jesuh cu Judah mi hna caah a thi lai ti kha a rak chimchung bia a si;

1THESALON 5:4

Sihmanhsehlaw u le nau hna, nannih cu mui padap chung i khua a sami nan si lo i mifir bantukin cu Ni nih cun a hlauh in an hlauh hna awk a si lo.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

2TIMOTE 1:18

Khi Ni ah Bawipa sin in zaangfahnak a hmuh nakhnga a caah thla ka cam. Cun ka caah zeitluk in dah Efesa khua ah rian a ṭuan ti kha na hngalh.

2TIMOTE 4:8

Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.