MATTHAI 7:15 - Lai (Hakha) Common Language Bible 2006

¹⁵ “Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

Laibaibal Thiang (BSI)

¹⁵ Profet deu kha i ralring u; tuu phaw aih in nan sinah an ra lai na in an chunglei tu cu a hrangmi cenghngia an si.

MATTHAI 7:15 ပူးပေါင်းရင်းမြစ်များ

1 SIANGPAHRANG 13:18

Cun anih nih amah cu a thawh i, “Keimah zong hi nangmah bantukin profet ka si ve, Bawipa bia in vancungmi pakhat nih pei ka sinah a chim i, ‘Rawl a ei i ti a din nakhnga, na inn ah hin hun kirpi ṭhan,’ a ti cu,” tiah a ti. Sihmanhsehlaw amah cu lih a chimh a si.

JEREMIAH 29:21

“Nan sinah lih in bia a chimmi Kolaiah fapa Ahab le Maaseiah fapa Zedekiah kong ah Ralkapbu Bawipa, Israel Pathian bia cu hi bangin a si: Annih cu Babilon siangpahrang Nebukhadnezzar kut ah ka chanh hna lai i nan mithmuh hrimhrim ah a thah hna lai.

JEREMIAH 29:32

“Keimah Bawipa nih, Shemaiah le a tefa vialte cu dan ka tat hna lai. Amah cu ka thlahmi a si lo. Asinain profet bantukin bia a chim hna i lih kha a zumhter hna. Nan lakah tefa zeihmanh a ngeih hna lai lo. Ka mi hna cu, keimah doh awk kha a fial hna caah ka mi hna ca i thil ṭha ka tuah ding kha a thih hlanah a hmu manh hna lai lo. Keimah Bawipa nih hi bia cu ka chim,” tiah a ka ti.

EZEKIEL 13:16

Inn kha a um ti lo, a satu hna zong kha an um ti lo, Jerusalem khua sin i bia a chimtu profet hna, daihnak a um na lo i, daihnak a um, tiah a chimtu hna kha an um ti lo,’ an ti lai. Mah hi Bawipa bia hrimhrim a si,” tiah a ti.

EZEKIEL 13:22

Miding mi cu an cungah ṭhat lonak tuah ka tim lo nain an lung nan donghter hna i cu bantuk ṭhiamṭhiam in miṭhalo mi hna cu an lam ṭhalo kha hlawt i khamh an si nakhnga tu si loin thazang nan pek lehlam hna;

EZEKIEL 22:25

A chung i a ummi bawi hna cu, an sa sehmi an ei cuahmah lio i a ngur hluahmahmi chiandeih bantuk an si. Mi kha an seh hna i an chawhlawn le an thilri kha an chuh hna; an khua chung i nu tampi cu nuhmei ah an canter hna.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

DANIEL 11:34

Cu bantukin an hrem hna lioah, anmah a fonhtu a tampi hna kha mah zawn lawng ruatmi an si nain, bawmhnak tlawmte cu an hmuh ko lai.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

ZEKHARIAH 13:4

Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

MATTHAI 16:11

Nannih kan chimhmi hna hi changreu kong a si lo tiah zeitindah nan hngalh khawh lo ee? Farasi mi le Sadusi mi hna thilnu cu i ralring tuah u,” tiah a ti hna.

MATTHAI 16:6

Jesuh nih cun a thawh hna i, “Farasi mi hna le Sadusi mi hna thilnu kha i ralring u,” tiah a ti hna.

MATTHAI 24:11

Cun nal profet tampi an chuak lai i mi tampi an hlen hna lai.

MATTHAI 7:14

Nunnak a phanmi lam cu a har i a kutka cu a bi i a hmumi cu tlawmte lawng an si.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 6:26

Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu,” a ti.

JOHAN 10:12

Man phalh in hlan chommi kha cu, tuukhal a si lo ca le tuu kha a ta an si lo caah, cenghngia a rat kha a hmuh tikah a zam i tuu kha a lektak hna. Cu tikah cenghngia nih cun tuu cu a seh hna i a ṭhek dih hna.

LAMKALTU 13:40

Cucaah i ralring u law profet nih,

LAMKALTU 13:6

Cu tikulh cu Pafos khua tiangin an hei ṭol i khika ah khan camhthiam a min Bar-Jesuh a simi kha an va ton, amah cu Judah mi a si i profet ka si tiah aa timi a si.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

2 PETER 3:17

Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 16:13

Cun thlarau thur pathum, utlak a lomi kha ka hmuh hna; limkeng kaa chung le sahrang kaa chung le nal profet kaa chungin an hung chuak.

BIAPHUAN 17:6

Cun cu nu cu, Pathian mi hna thisen le Jesuh cungah zumhawktlak in an um ruangah thahmi hna thisen a rit kha ka hmuh. Amah ka hmuh tikah ka khuaruah a har tuk hringhran.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.