MATTHAI 7:13 - Lai (Hakha) Common Language Bible 2006

¹³ “Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh.

Laibaibal Thiang (BSI)

¹³ Kutka bi ah lut u; zeitintiah rawhralnâk a phâkpitu kutka le lam cu a kau i cu lam i a kalmi cu mi tampi an si.

MATTHAI 7:13 ပူးပေါင်းရင်းမြစ်များ

GENESIS 6:12

Pathian nih vawlei cu a zoh tikah a ṭha hrimhrim lo ti kha a hmuh, zeicahtiah minung kha an dihlak in sual in an nung.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

PHUNGTHLÛKBIA 16:25

Na ruahnak i lam ding a si na timi kha thihnak lei kalpitu lam a si ko hnga.

PHUNGTHLÛKBIA 7:27

A inn cu Sheol i vung kalnak lam, thihnak khan chung i a vung lutmi a si.

PHUNGTHLÛKBIA 9:6

Hruhnak lam kha kaltak u law nung cang tuah u, fimnak lam kha zul tuah u,” a ti.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 3:8

Nan sualnak nan i ngaihchihnak cu nan theitlai in langhter ngat u.

MATTHAI 7:14

Nunnak a phanmi lam cu a har i a kutka cu a bi i a hmumi cu tlawmte lawng an si.

LUKA 14:33

Cu bantuk ṭhiamṭhiam in nannih zong, nan ngeihmi vialte kha nan hlawt dih lo ahcun, ka zultu nan si kho lai lo,” tiah a ti hna.

LUKA 9:33

Mi nih khan Jesuh cu an kaltak lioah khin Peter nih a thawh i, “Saya, hika i kan um hi thil ṭha a si. Deu pathum in kan sak lai, pakhat nangmah caah, pakhat Moses caah, pakhat Elijah caah,” tiah a ti. (Ka chimmi hi zei a si ti a hngal ngaingai lo).

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

2 KORIN 4:4

Annih nih zeicahdah an zumh lo ti ahcun, hi vawlei khuazing ṭhalo nih hin an lungthin cu mui lakah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong Thawngṭha in a rami a si i Khrih cu Pathian bantuk taktak a si.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.