MATTHAI 6:5 - Lai (Hakha) Common Language Bible 2006

⁵ “Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

Laibaibal Thiang (BSI)

⁵ Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MATTHAI 6:5 ပူးပေါင်းရင်းမြစ်များ

SALM 5:2

Ka Siangpahrang le ka Pathian, ka thlacamnak hi ka ngaihpiak tuah. Bawipa nangmah sinah thla ka cam lai;

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 16:5

Miruamkai cu Bawipa caah fihnung an si, hnadai tein um ko, dantatnak hmu loin an um lai lo.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

JEREMIAH 29:12

Nan ka hal i ka sinah thla nan cam ahcun nan bia kan ngaihpiak hna lai.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 23:6

Rawl danghnak hmun ah upatnak hmun i ṭhut kha an duh i pumhnak inn ah ṭhutnak hampiak kha an ngen.

MATTHAI 6:1

“Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

MATTHAI 9:38

Cucaah rawlṭuan uktu bawi sinah cun, rawl ṭuantu tam deuh a thlah hna nakhnga, thla va cam tuah u,” a ti.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga,” tiah a ti.

MARKA 12:38

A cawnpiak lio hna ah cun, “Phungbia cawnpiaktu saya pawl hi i ralring hna u. Annih cu an puan fual pipi he i chawh i chawdawr tlang ah mi nih upatnak in kan biachawn hna seh, ti a duhmi an si.

LUKA 11:43

“Farasi mi hna, nan caah ṭihnung a va si dah! Pumhnak i ṭhutdan a dang tein chiahpiakmi i ṭhut cu nan duh i chawdawrnak hmun i upatnak in kuttlaih cu nan tlaihchan.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 20:47

mi nih ka hmu hna seh ti duh ah thla sau pipi in an cam, sihmanhsehlaw nuhmei kha an thilri le an inn tiangin an chuh ṭung hna. Dantatnak an hmuh ding cu a fak chinchinmi a si ko lai,” tiah a ti.

LUKA 6:24

“Sihmanhsehlaw nannih atu i a rummi, nan caah cun ngaihchia a va si dah! Nan nun nuamhnak kha nan hmuh cang.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

1THESALON 5:17

a zungzal in thlacam u,

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”