MATTHAI 6:4 - Lai (Hakha) Common Language Bible 2006

⁴ nanmah lawngte nih va hngal ko u. A thli tein nan tuahmi a hmutu nan Pa nih khan laksawng an pek hna lai.

Laibaibal Thiang (BSI)

⁴ Na pêkmi thil kha a thli tein pêkmi a si khawh nâkhnga; cuticun a thli tein an hmutu na Pa nih langhngan in ṭuanman an pêk te lai.

MATTHAI 6:4 ပူးပေါင်းရင်းမြစ်များ

SALM 139:12

asinain cucu zeihmanh a ṭhahnem hlei hnga lo, zeicahtiah muihnak cu nang caah cun a mui lo i zan hmanh kha chun tlukin a ceu ko. Nang caah cun muihnak le ceunak cu zeihmanh an i dang lo.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 44:21

nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

PHUNGTHLÛKBIA 25:22

Cu ti na tuah ahcun a lu cungah meiṭil kha na pumh hna a si lai i Bawipa nih nangmah cu an rulh lai.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 6:18

cuticun midang nih rawl an ul ti awk kha an in hngal kho hna lai lo i hmuh khawh lomi nan Pa lawnglawng nih a hngalh lai. Cun a thli tein nan tuahmi a hmutu nan Pa nih laksawng an pek hna lai.

MATTHAI 6:3

Sihmanhsehlaw nannih nih cun mi kha an herhmi thil nan ṭhenh hna tikah, nan hawikom ṭha bik hmanh nih thei hlah seh, ti in va tuah u;

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

LUKA 14:14

annih nih an in cham khawh lai lo caah thluachuahnak na hmu lai. Miṭha mi kha thihnak in an thawh ṭhan tikah Pathian nih an cham lai,” tiah a ti.

LUKA 8:17

Zeicahtiah thuhmi kha a lang lo dingmi zeihmanh a um lo i biathli zong hngalh lo dingmi le ceunak ah chuahpi lo dingmi zeihmanh a um lo.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

JUDAS 1:24

Tlu loin an umter khotu hna le a hmaika ah soi awk zeihmanh um lo le lunglawm tein an chuahpi khotu hna —

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.