MATTHAI 6:28 - Lai (Hakha) Common Language Bible 2006

²⁸ “Cucaah zeicahdah hnipuan kong ah nan lungre a theih? Ramlak i a khomi lili pangpar khi zoh tuah hna ngat u: rian an ṭuan lo, hnipuan zong zeihmanh an i tah lo.

Laibaibal Thiang (BSI)

²⁸ “Zeiruangahdah hnipuan kongah nan lungre a theih. Ramlak lili par khi zoh hna hmanh u. Rian an ṭuan lo i puan zong an tak bal lo;

MATTHAI 6:28 ပူးပေါင်းရင်းမြစ်များ

HOSEA 14:5

Israel caah cun dap bantuk ka si lai i lili pangpar bantukin a par lai. Phaizawng kung bantukin hram a thla lai i

MATTHAI 10:10

Nan khualtlawnnak dingah cun rawl halnak zal siseh, angki khethuan siseh, kedan siseh, ṭhiangṭhunh siseh, i phorh hlah u. Rianṭuantu nih cun a herhmi thil cu a hmuh awk aa tlakmi a si ko.

MATTHAI 6:25

“Cucaah cun nan nunnak ding ca i nan herhmi rawl le ti kong ah le nan pum ca i nan herhmi hnipuan kong ah lungrethei awlokchong in va um hlah u, kan ti hna. A ngaingai ti ahcun, nunnak hi rawl nakin a biapi deuh lo maw? Cun pum zong hi hnipuan nakin a biapi deuh lo maw?

MATTHAI 6:27

Nan lungre a theih le nan awlok a chon thawngin nan nunnak tlawmte tal a sauter kho deuh mi aho tal nan um maw?

MATTHAI 6:31

Cucaah, ‘Khuazei in dah ka ei awk ka rawl cu ka hmuh lai, ka din awk cu ka hmuh lai, ka hnipuan cu ka hmuh lai,’ tiin lungrethei in um hlah ngat u.

LUKA 10:41

Bawipa nih cun a leh i, “Martha, Martha, thil tam tuk kong ah na lungre a thei i na ing a puang,

LUKA 12:11

“Pumhnak inn ah siseh, mangki bawi hmai le uktu bawi hmaiah tazacuai awkah an in chuahpi hna tikah, zeitindah kaa runven lai i zei bia dah ka chim lai, tiah nan khuaruah va har hlah u.

LUKA 12:22

Cun Jesuh nih a zultu kha a thawh hna i, “Hi caah hin pei nunnak ca i nan herhmi rawl le nan pum ca i nan herhmi hnipuan kong ah nan lungrethei hlah u kan ti hna cu.

LUKA 12:27

Ramlak pangpar khi zeitindah an ṭhan ti khi zoh hna ngat u: rian an ṭuan lo, hnipuan zong an i tah fawn lo. Sihmanhsehlaw hihi kan chimh hna: Solomon hmanh kha, kha tluk khan a rum nain hi pangpar hna pakhat tluk i aa dawhmi thilthuam a ngei lo.

LUKA 3:11

Anih nih, “Angki pahnih a ngeimi nih a ngei lomi kha pakhat ṭhen seh, cun rawl a ngeimi nih a ngei lomi kha hrawm seh,” a ti.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1 PETER 5:7

Amah nih an zohkhenh hna caah nan lungretheihnak vialte kha amah cungah chia dih ko u.