MATTHAI 6:24 - Lai (Hakha) Common Language Bible 2006

²⁴ “Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

Laibaibal Thiang (BSI)

²⁴ “Ahohmanh nih hotu pahnih rian an kemh kho lai lo; pakhat a huat lai i pakhat a dawt lai, asilo le pakhat a conglomh lai i pakhat a zomhtaih lai. Pathian le phaisa rian cu nan kemh kho lai lo.

MATTHAI 6:24 ပူးပေါင်းရင်းမြစ်များ

GENESIS 47:17

Cucaah an saṭil cu Josef sinah khan an rak put hna i Josef nih khan an rangtum hna le tuu hna le meheh hna le caw hna le laa hna cu rawl khan a rak thlen hna. Cu kum cu an saṭil man ah khan rawl cu a pek hna.

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

2 SIANGPAHRANG 17:41

Cuticun hi miphun hna nih hin Bawipa cu an ṭih i serchommi an siasal hna cu an biak ṭhiamṭhiam fawn hna; an fale le an fale fa hna zong nih an tuah — an pupa hna nih an tuah bantukin nihin ni tiangin an tuah ko.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

LUKA 16:11

Vawlei cung thil tuahtoning i zumhawktlak lo nan si ahcun zeitindah rumnak taktak cu pek khawh nan si lai?

LUKA 16:13

“Sinum pakhat cu bawi pahnih sal a si kho lo: pakhat kha a huat lai i pakhat kha a dawt lai; pakhat sinah zumh awktlak tein a um lai i pakhat kha zei ah a rel lai lo. Pathian le chawva cu nan bawi ah an pahnih in nan kemh kho hna lai lo,” tiah a ti.

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.