MATTHAI 6:19 - Lai (Hakha) Common Language Bible 2006

¹⁹ “Rungrul le cirik nih an ei khawh i mifir nih an baoh i an fir khawhnak vawlei ah hin nan chaw va khong hlah u.

Laibaibal Thiang (BSI)

¹⁹ “Lei i rungrul le cirik nih an ei khawh i mifir nih an bauh i an fir khawhnâk ah hin nan ro va khong hlah u;

MATTHAI 6:19 ပူးပေါင်းရင်းမြစ်များ

JOB 24:16

Zan ah mifir cu a vak i a hmai cu hlennak in aa khuh, Chun i aa chingchiah ciami inn kha zan ah cun a bauh hna. An dihlak in ceunak a hngal lomi an si,

JOB 31:24

Rumnak kha kaa bochan bal lo i, thilri in ka rumnak ah uarthlarnak zong ka ngei lo.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

EXODUS 22:2

A liam hrimhrim awk a si lai. Zeihmanh ngeihmi a ngeih lo ahcun, a firmi chamnak ah khan amah cu zuar a si lai. A firmi saṭil kha, cawtum siseh, laa siseh, tuu siseh, a kut chungah a rak nun ko rih ahcun, a let in a liam lai. “Mifir pakhat nih inn a bauh i a bauhnak ah an thah ahcun a thattu cu lainawng a si lo. Asinain ni chuah hnuah a si ahcun lainawng a si ṭhiamṭhiam.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

PHUNGTHLÛKBIA 16:16

Fimnak ngeih hi sui nakin a ṭha deuh, hngalhthiamnak ngeih hi ngun nakin thim deuh awk a si.

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

ZEFANIAH 1:18

Annih khamhnak caah an ngun siseh, an sui siseh, zeihmanh an ṭhahnem lai lo. Bawipa thinhun ni ah cun Bawipa nih khan cu ram cu a ning piin a nahchuahnak mei in a khangh dih lai i cu ram chung i a ummi vialte hna cu khulrang tein an donghnak kha a phakter hna lai.

MATTHAI 19:21

Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

MATTHAI 6:20

Rungrul le cirik nih an ei khawh lonak le mifir nih an baoh i an fir khawh lonak vancung tu ah khin nan chaw cu va khong u.

LUKA 12:21

Cun Jesuh nih cun a biadonghnak ah, “Hitihin pei anmah ca lawng i chawva a khong cuahmah i Pathian hmuhnak i a rum ṭung lomi cu an si cu,” tiah a ti.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 12:39

Cun nannih nih hihi i cinken u: Inn ngeitu nih mifir a rat lai caan kha a hngalh ahcun mifir kha a inn cu a bauhter lai lo.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

LUKA 18:24

Jesuh nih a ngaih a chiat kha a hmuh tikah aa thawh i, “Mirum caah cun Pathian Pennak chung i luh hi a va har hringhran dah.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.