MATTHAI 6:1 - Lai (Hakha) Common Language Bible 2006

¹ “Thil ṭha nan tuahmi hi zapi nih ka hmu hna seh ti duhnak lungthin in mizapi hmaiah nan tuah nakhnga lo i ralring u. Cu ti nan tuah ahcun vancung khua i a ummi nan Pa sinin laksawng zeihmanh nan hmu lai lo.

Laibaibal Thiang (BSI)

¹ Thil nan ṭhenhmi kha minung mithmuh lawngah ṭhen lo dingin i ralring u; culoahcun van i nan Pa sinin ṭuanman nan hmu lai lo.

MATTHAI 6:1 ပူးပေါင်းရင်းမြစ်များ

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

2 SIANGPAHRANG 10:31

Sihmanhsehlaw Jehu cu Bawipa, Israel Pathian nawlbia kha a lungthin a dihumnak in zulh awkah aa ralring lo; Jeroboam nih Israel mi a sualternak hna a sualnak kha a pialtak hna lo.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

ZEKHARIAH 13:4

Khi ni ah cun profet nih bia an chim tikah langhnak an hmuhmi kha an i zahpi cang lai, cuhleiah mi hlennak ah sahmul hrat angki fual kha an i hruk ti lai lo.

ZEKHARIAH 7:5

“Ram chung i a ummi mi vialte hna le tlangbawi hna cu, ‘Hi Kum sawm sarih chung, thla nganak thla le thla sarihnak thla i rawl nan ulh i nan ṭah tawn tikah hin, nan rawl ulhnak hi keimah upatnak ca taktak ah maw a si?

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 16:6

Jesuh nih cun a thawh hna i, “Farasi mi hna le Sadusi mi hna thilnu kha i ralring u,” tiah a ti hna.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

MATTHAI 5:46

Zeicahdah an dawtu hna lawng nan dawt hna tikah, Pathian nih laksawng an pek hna lai? Ngunkhuai khawltu hna hmanh nih cucu an tuah ko ṭung.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

MARKA 8:15

Annih cu Jesuh nih khan a thawh hna i, “Farasi mi hna thilnu le Herod thilnu kha i ralring u,” tiah a ti hna.

LUKA 11:35

Cucaah nan chung i ceunak a ummi cu muihnak a si nakhnga lo i ralring tuah u.

LUKA 12:1

Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

LUKA 12:15

Cun annih cu an dihlak in a vun thawh hna i, “Ralring tein um u, hakkauhnak kha i veng u; zeicahtiah mi a nunnak taktak cu, zeitluk hmanh in rum seh law, a thilri hi a si lo,” tiah a ti.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JOHAN 12:43

Minung sinin mithmai ṭha hmuh kha Pathian sin i hmuh nakkhan an duh deuh.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

LAMKALTU 3:12

Peter nih a rak hmuh hna tikah khan a rak thawh hna i, “Ka phun hawi Israel mi hna, zeicahdah hi thil kongah nan khuaruah a har i kanmah lehlam cu ngang koin nan kan zoh? Hi pa kan kalter khawh hi kanmah ṭhawnnak in le Pathian hmai i kan ṭhatnak thawngin maw a si tiah nan ruah?

GALATI 6:12

Lenglei thil aa porhlawmi le aa uangthlarmi hna hi nanmah cuarpar tan hnek aan duhmi hna kha an si. Cu an duh cu Khrih vailamtahnak kongah hremnak an innak hnga lo ca men ah a si.

DEUTERONOMI 24:13

ni a tlak tikah biahrennak thil cu na khirh ṭhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.

HEBRU 11:26

Messiah ruang i nihsawhnak in cu Izipt ram chawhlawn vialte nakin a sung deuh ah a rel i cucu zeicahdah a si tiah, hmailei hmuh laimi laksawng kha a rak i ruah chih caah a si.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.