MATTHAI 5:5 - Lai (Hakha) Common Language Bible 2006

⁵ Nun a nemmi cu lunglawmmi nan va si dah! Pathian nih an kamhmi hna kha nan co lai.

Laibaibal Thiang (BSI)

⁵ Lungnêmmi cu mithluachuak an si, zeitintiah vulei ro an co te lai.

MATTHAI 5:5 ပူးပေါင်းရင်းမြစ်များ

SALM 147:6

Mi toi i aa dormi cu a cawi hna, sihmanhsehlaw miṭhalo cu vawlei ah a rial hna.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

SALM 25:13

Nun nuam tein an um lai i an fale cu hi ram chungah hin him tein khua an sa lai.

SALM 25:9

Mi toi i aa dormi kha lamding in a hruai hna i a duhnak kha a cawnpiak hna.

SALM 37:11

Sihmanhsehlaw mi toiah aa dormi cu ram chungah hin him tein an um lai i daihnak kha tlamtling tein an hmuh lai.

SALM 37:22

Bawipa nih thluachuah a pekmi cu ram ram chungah hin him tein an um lai, sihmanhsehlaw chiat a serhmi cu ṭhawl an si lai.

SALM 37:29

A dingmi cu ram chungah him tein an um lai i ram cu zungzal in anmah ta a si lai.

SALM 37:34

Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

SALM 37:9

Bawipa aa bochanmi cu him tein ram chungah hin an um ko lai; sihmanhsehlaw miṭhalo cu ṭhawl an si lai.

SALM 69:32

Cu thil cu serhsatnak a ingmi nih an hmuh tikah an i lawm lai; Pathian a biami cu lung ṭhawnnak thar an hmu lai.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

NAMBAR 12:3

Moses cu vawleicung mi vialte lakah lungnem bik a si.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

MATTHAI 21:5

“Zion fanu cu va chim u law, ‘Na siangpahrang cu nangmah lei ah a ra lio, Amah cu mi nunnem a si i laa cu a hun i cit, Laa note a hun i cit,’ va ti u,” tiah a timi tlinternak caah khan a si.

ROM 4:13

Pathian nih Abraham le a tefa hna cu, vawlei hi Abraham ta a si lai, tiin bia a kamh hna. Hiti in bia a kamh hna cu Abraham nih khan Nawlbia kha a rak zulh caah a si lo, sihmanhsehlaw Pathian kha a zumh i Pathian nih miding in a cohlan ca tu ah khan a si.

GALATI 5:23

toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

TITAS 3:2

Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 PETER 3:4

nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.