MATTHAI 5:48 - Lai (Hakha) Common Language Bible 2006

⁴⁸ Vancung khua i a ummi nan Pa a tlin bantukin nannih zong nan tlin awk a si.

Laibaibal Thiang (BSI)

⁴⁸ Cucaah van i nan Pa a tlin bantukin nannih zong nan tlin ve awk a si.

MATTHAI 5:48 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

2 SAMUEL 22:31

Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

LEVITIKAS 11:44

Zeitintiah keimah cu Bawipa nan Pathian ka si; cu caah i thianter u law, thianghlim u, keimah ka thian caah. Vawlei ah a vah in a vakmi thil zeihmanh in i thurter hlah u.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

LEVITIKAS 20:26

Nannih cu keimah caah mithiang nan si lai; zeitintiah keimah, Bawipa cu, ka thiang i nannih cu keimah ta nan si nakhnga, midang sinin kan thleidan hna.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MATTHAI 5:47

Cun nan hawikom lawng kha nan chawnh hna ahcun, zeital a hlei in nan tuahmi a um maw? Pathian bia lo hmanh nih cucu an tuah ko ṭung.

LUKA 6:36

Nan Pa cu mi zaangfah thiam a si bantukin nannih zong mi zaangfah thiammi si ve u,” tiah a ti.

LUKA 6:40

Siangngakchia cu a saya nakin a ngan deuh lo, sihmanhsehlaw siangngakchia nih a cawnnak kha a dih tikah cun a saya bantuk a si lai.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 KORIN 13:9

Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

DEUTERONOMI 18:13

Bawipa nan Pathian hmaiah soi awk um lo nan si awk a si.

DEUTERONOMI 27:10

Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

JEIM 1:4

Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.