MATTHAI 5:44 - Lai (Hakha) Common Language Bible 2006

⁴⁴ Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

Laibaibal Thiang (BSI)

⁴⁴ Asinain kei nih cun, nan ral va daw hna u law, chiat an serhtu kha thluachuah va pe hna u, an huatu hna caah ṭhatnâk tuah u law, an diriamtu hna le serhsattu hna caah thlacam u,

MATTHAI 5:44 ပူးပေါင်းရင်းမြစ်များ

2 SIANGPAHRANG 6:22

Anih nih, “Na that hna lai lo. Na vainam le na likuk in na tlaih mi hna cu na thah hna hnga maw? Annih cu ti le rawl hunh hna law ei in ding hna seh law an bawipa sinah kal hna seh,” tiah a ti.

SALM 7:4

hawikom rawi le zei ruangah ti awk um set loin ral cungah ṭhat lonak tuah hi, hi hna lakah hin pakhatkhat ka tuah a si ahcun,

PHUNGTHLÛKBIA 19:11

Lungsau thinfual hi fim a si, Palhnak i hmaimilh cio hi minung sunparnak a si.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

LAMKALTU 16:28

Sihmanhsehlaw Paul cu fak piin a au i, “Nangmah le nangmah fahnak i pe hlah, kan dihlak in kan um ko,” tiah a ti.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

ROM 12:14

Nanmah an hremtu hna kha Pathian sinah thluachuah halpiak hna u; asi, thluachuahnak kha halpiak hna u, chiatserhnak si loin.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1 SAMUEL 24:17

David sinah cun, “Nangmah cu keimah nakin na ding deuh, zeitintiah kei nih chiatnak in kan cham zongah nang nih cun ṭhatnak in na ka cham.