MATTHAI 5:42 - Lai (Hakha) Common Language Bible 2006

⁴² Mi nih thil an in hal hna tikah va pe hna u, an in cawi hna tikah va cawih hna u.

Laibaibal Thiang (BSI)

⁴² An haltu sinah pe law, an cawitu sinah cawih ko.

MATTHAI 5:42 ပူးပေါင်းရင်းမြစ်များ

SALM 37:21

Miṭhalo nih cun thil a cawi hna tikah a cham ṭhan ti hna lo, sihmanhsehlaw miṭha cu vel a ngei i nun a siang.

PHUNGTHLÛKBIA 19:17

Misifak cungah zaangfahnak na ngeih ahcun Bawipa kha chaw na coih bantuk a si. Bawipa nih tling tein an cham lai.

PHUNGTHLÛKBIA 21:26

Chun nitlak in a ruahmi cu zei khi dah hei ngei ning law ti lawng khi a si ko. Sihmanhsehlaw miding nih cun mi kha a pek hna i sianh loin a um hna lo.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

MATTHAI 5:41

Cun an uktu ralkap hna nih, an thil phorh kha, khan khat an in fial hna ahcun, khan hnih in va phorhpiak hna u.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

ROM 12:20

Cucaah Cathiang nih, “Na ral cu a rawl a ṭam ahcun rawl va pe, A ti a hal ahcun ti va pe, Cu ti na tuahnak nih cun a lu cungah meiṭil na chonh a si lai,” a ti bang khan va tuah u.

HEBRU 13:16

Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.