MATTHAI 5:33 - Lai (Hakha) Common Language Bible 2006

³³ “Bia nan i kammi kha i let hlah u, Bawipa sinah chiatser in nan i kam cangmi cu nan tuah hrimhrim awk a si, tiah hlanlio mi hna an rak ti hna kha nan theih.

Laibaibal Thiang (BSI)

³³ Hlan lio mi hna sinah, lih in chiat i serh hlah, BAWIPA sin i chiat na serhmi tu cu tlinter ko, an timi nan theih cang.

MATTHAI 5:33 ပူးပေါင်းရင်းမြစ်များ

SALM 50:14

Pathian sinah lawmhnak chim cu nan raithawinak si seh law Lianngan Bik cu kan in pek lai tiah nan i kammi pekchanh awk vialte kha pechan ko u.

SALM 76:11

Kan in pek lai tiah nan i kammi kha Bawipa nan Pathian cu pe u; kan pawngkam i a ummi miphun hna, Bawipa cu laksawng ra pe u. Pathian nih minung cu amah ṭih dingin a ser hna,

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

LEVITIKAS 19:12

Ka min chalh in lih in chiat nan ser lai lo, mah cucu nan Pathian min thurhnawmhter a si; keimah cu Bawipa ka si.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

MATTHAI 5:21

“ ‘Lai va nawng hlah u, lai a nawngmi paoh cu biaceihtu hmaiah chuahpi a si lai, tiah hlanlio mi an rak ti tawn hna, ti kha nan theih.

MATTHAI 5:27

“Nu le pa sualnak va tuah hlah, an ti tawn cu nan theih.

DEUTERONOMI 23:21

“Bawipa nan Pathian sinah biakamnak nan tuah tikah rau loin nan pek lai, zeitintiah Bawipa nan Pathian nih an hal hrimhrim hna lai i nan caah sualnak a si sual lai.

DEUTERONOMI 23:23

Nan kaa in a chuak cangmi cu nan tuah hrimhrim lai, zeitintiah nan kaa in nan i kammi cu Bawipa nan Pathian sinah nanmah lungtho tein nan kammi a si.

DEUTERONOMI 5:11

“ ‘Bawipa na Pathian min cu sawhsawh in va hmang hlah, zeitintiah a min a hmang sualmi cu Bawipa nih sual lo ah a ruat hna lai lo.

DEUTERONOMI 6:13

Bawipa na Pathian cu na ṭih lai; na biak lai i a min lawngin chiat na ser lai.

1TIMOTE 1:10

nu le pa sualnak a tuahmi hna le nu le pa kong ah ningcanglo in khua a sami hna le minung fir a hmangmi hna le lihchim a hmangmi hna le tehte dinglo a simi hna le cawnpiaknak ahmaanmi he aa tlak lomi thil a tuahmi hna ca tu ah khan tuah a si.