MATTHAI 5:30 - Lai (Hakha) Common Language Bible 2006

³⁰ Na orhlei kut nih an sualter ahcun tan law hlonh ko. Na pum a ningpi in hell chung i tlak nakcun na kutke pakhatkhat sungh cu a ṭha deuh vingvan.

Laibaibal Thiang (BSI)

³⁰ Na orhlei kut nih an tlukter ahcun tan law hlawnh ko. Na pumpuluk, hremhmun i hlawnhnâk cha cun, pum nge pakhat hloh cu na caah a ṭha deuh.

MATTHAI 5:30 ပူးပေါင်းရင်းမြစ်များ

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

MATTHAI 17:27

Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.

MATTHAI 18:8

“Nan kut nih siseh, nan ke nih siseh, an pialter hna ahcun, tan u law hlonh ko hna u! Kut pahnih, ke pahnih he zungzal mei chung i tlak nakin kut le ke loin nunnak chung i luh cu nan caah a ṭha deuh.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

MATTHAI 25:20

Thong nga a hmumi sal kha a ra lut i a dang thong nga a rung pek. Aa thawh i, ‘Bawipa, tangka thong nga na rak ka pek. Atu cu zohhmanh, a dang thong nga zong ka rak chuahpi,’ tiah a ti.

MATTHAI 26:31

Jesuh nih annih cu a thawh hna i, “Cathiang nih, ‘Pathian nih tuukhal kha a thah lai i tuurun chung tuu kha an i ṭhek dih lai,’ a ti caah, tuzan hrimhrim ah hin nan dihlak in nan ka zamtak lai.

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MATTHAI 5:29

Cucaah na orhlei mit nih an sualter ahcun, khoih law hlonh ko. Na pum dihlak hell chung tlak nakcun na pum cung thil pakhatkhat na sungh cu a ṭha deuh.

MARKA 9:43

Cucaah nan kut nih an pialter hna ahcun, tan ko u! Kut pahnih he a mit lomi hell chung i tlak nakin kut loin nunnak chung i luh kha nan caah a ṭha deuh.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

LUKA 17:2

Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga.

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

1 KORIN 8:13

Cucaah rawl nih ka unau kha a sualter nakcha cun sa zeihmanh ka ei ti lai lo, ka unaupa ca i tluknak a chuahtertu si cu ka duh lo.

GALATI 5:11

Ka u le ka nau hna, cuarpartan hi a herh ko ti i ka chim rih a si ahcun, zeicahdah hremnak hi ka in lengmang kun? Cuticun rak chim ning law cu, Khrih vailam tahnak kong ka chimmi nih hin harnak zeihmanh a chuahter hnga lo.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.