MATTHAI 5:3 - Lai (Hakha) Common Language Bible 2006

³ Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

Laibaibal Thiang (BSI)

³ “Thlarau in sifakmi cu mithluachuak an si, zeitintiah vanbawi pennâk cu anmah ta a si.

MATTHAI 5:3 ပူးပေါင်းရင်းမြစ်များ

2 CHANRELNAK 33:12

Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa ṭhum.

2 CHANRELNAK 33:19

A thlacamnak Pathian nih a nawlnak a cohlanpiakning le a lung a ṭhumh hlan i a sualnak vialte le zumhtlaklo a sinak le khuahrum bo a ser i Asherim le milem hna a chiahnak hmun hna kha, zohhmanh, Hmutu hna Chanrelnak chungah an i ṭial.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

2 CHANRELNAK 34:27

hi hmun le hi hmun i a ummi hna cung i a bia cu na theih tikah na lung in naa ngaihchih i Bawipa hmaiah na lung na ṭhumh i ka hmaiah na puan na thleh i na ṭah caah, kei zong nih na bia kan theihpiak, tiah Bawipa nih a ti.

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

SALM 1:1

Miṭhalo hna khuakhannak ah aa tel lo i Misual hna lam zong a zul lo i Pathian a nihsawhmi hna sinah a ṭhu lomi cu Thluachuakmi an si.

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

SALM 128:1

Bawipa a ṭihmi cu mi lunglawm an si, a nawl a ngaimi cu mi lunglawm an si.

SALM 146:5

Jakob Pathian kha bawmtu ah aa serhmi cu mi lunglawm an si, Bawipa a Pathian kha aa hngatchanmi cu mi lunglawm an si;

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 34:18

Lung a dongmi kha Bawipa nih a umpi hna i ruahchannak a ngei lomi kha a khamh hna.

SALM 41:1

Sifak zawn a ruatmi cu lunglawmmi a si, harnak chung i a um tikah Bawipa nih a bawmh lai.

SALM 51:17

Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo.

SALM 84:12

Maw Lianngan Bik Pathian, nangmah an bochanmi cu lunglawmmi an si.

PHUNGTHLÛKBIA 16:19

Misifak hna he toidornak lungthin in um cu, miporhlaw hna he hranchaw i ṭhenh nakin a ṭha deuh.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 8:32

Atu cu ka fapale hna, ka bia ngai tuah u: Ka lam a zulmi cu lunglawmmi an si.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 13:16

“Nannih tu cu, nan van a va ṭha thiam dah. Nan mit nih a hmuh i nan hna nih a theih.

MATTHAI 19:14

Jesuh nih cun aa thawh i, “Ngakchia cu ka sinah ra ko hna seh, dawn hna hlah u; zeicahtiah Vancung Pennak cu hi bantuk mi hna ta hi pei a si cu,” tiah a ti.

MATTHAI 24:46

A bawipa nih a tlun tikah, a rian a rak ṭuan liote ah a run tanhmi sal caah cun lunglawmh awk a va si dah!

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 3:2

“Vancung Pennak cu a nai cang caah nan sualnak kha mertak cang hna u,” tiah a ti hna.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

LUKA 11:28

Sihmanhsehlaw Jesuh nih a thawh i, “Pathian bia kha a thei i a ngaimi caah cun zeitluk in dik lunglawmhnak a si chinchin,” tiah a leh.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

LUKA 22:29

cun ka Pa nih uknak nawl a ka pek bantukin kei zong nih nannih he biakamnak ka tuah lai.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

JOHAN 20:29

Jesuh nih cun, “Na ka hmuh caah na ka zumh. Sihmanhsehlaw keimah hmu loin a ka zummi hna caah cun lunglawmh awk a va si dah,” tiah a ti.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

JEIM 1:10

zumtu mirum cu Pathian nih ṭumchuknak a pek tikah i lawm seh. Zeicahtiah mirum cu ramlak pangpar a par a ṭilh bangin an ṭil lai.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.

BIAPHUAN 22:14

An puan kha thiang tein a su i nunnak thingkung theitlai ei khawhnak nawl le khuapi kutka chung luhnak nawl a ngeimi cu lunglawmmi an si.

BIAPHUAN 3:17

Ka rum ko, kaa za ko, zeihmanh ka bau lo, na ti. Asinain zeitluk sifak le zaangfah awk tlak dah na si kha naa hngal lo. Na si a fak, puan aih awk hmanh na ngei lo i na mit a caw.